Menntamál - 01.06.1939, Blaðsíða 19

MENNTAMÁL
17
sinn hlut eftir liggja í þeirri baráttu, sem varð eins og
vænta mátti, bæði löng og hörð. Kennarastéttin og æskan
í landinu á vissulega Hallgrími Jónssyni mikið að þakka
fyrir árvekni hans og ötult foringjastarf á erfiðustu tím-
um, þegar mest reyndi á. Glöggt dæmi um áhuga og ódrep-
andi kjark H. J. er það, að 1917 hóf hann að gefa út upp-
eldismálablað á eigin kostnað, bláfátækur maður, á styrj-
aldartímum.
Á sextugsafmæli sínu færði H. J. Sambandi ísl. barna-
kennara kr. 500 að gjöf, og sýndi enn einu sinni hug sinn
til kennarasamtakanna í landinu.
En H. J. kemur víðar við sögu en í félagsmálum. Hann
hefir jafnan verið talinn í allra fremstu röð sem kennari.
Einkum hefir hann lagt mikla alúð við móðurmálskennsl-
una. Mun fjöldi Reykvikinga telja sig í þakkarskuld við
hann sem kennara. Hann hefir einnig fengizt við skáldskap
og ritstörf, og ritar kjarnyrt og hreint mál.
Árið 1904 réðist H. J. að barnaskóla Reykjavíkur og hefir
starfað þar síðan — 35 ár —. 1930 varð hann yfirkennari
Miðbæjarskólans og skólastjóri við fráfall Sig. Jónssonar
1936.
Mun starf H. J. fyrir íslenzk skólamál og kennarastétt-
ina jafnan verða mikils metið.
S. Th.
Jóhannes Sigfússon var fæddur á Núpafelli 10. ágúst
1853. Foreldrar hans voru Sigfús bóndi Thorlacius og kona
hans, Rósa Daníelsdóttir frá Skáldstöðum. Sigfús í Núpu-
felli var sonur Einars prests Thorlacius í Saurbæ í Eyja-
firði og Margrétar Jónsdóttur prests „lærða“ í Möðru-
felli; var Margrét alsystir Álfheiðar, móður þeirra Helga
lektors Hálfdánarsonar og séra Guðjóns, er síðast var prest-
ur í Saurbæ. — Jóhannes ólst upp í foreldrahúsum fram
um tvítugsaldur. er hann fór í skóla. Hann var snemma