Menntamál - 01.12.1957, Blaðsíða 48
238
MENNTAMÁL
17. norræna kennaraþingiS.
Dagana 6.—8. ágúst var 17. norræna kennaraþingið háð
í Helsinki.
Þing þessi eiga langa sögu að baki. Upptök þeirra eru
þau, að tveir danskir barnakennarar kvöddu starfsbræður
á Norðurlöndum til fundar í Kaupmannahöfn. Það gerðist
árið 1863, og var fundurinn ákveðinn ári síðar, en styrj-
öld Þjóðverja og Dana kom í veg fyrir hann.
Árið 1870 buðu Svíar til almenns kennaraþings í Gauta-
borg, og sóttu það 842 kennarar. Varð það 1. almenna
norræna kennaraþingið. Næsta þing var í Oslo 1874, hið
þriðja í Kaupmannahöfn 1877, hið fjórða í Stokkhólmi
1880. Eftir það voru þingin haldin á fimm ára fresti
fram til 1930, nema niður féll árið 1915, og 1930 var þingi
frestað um eitt ár vegna Alþingishátíðarinnar. Heims-
styrjöldin síðari truflaði síðan fimmáraregluna, en eftir
hana hafa þingin verið háð árin 1948, 1953 og 1957. í
Danmörk hafa þau verið fjórum sinnum, í Finnlandi
tvisvar sinnum, í Noregi fimm sinnum, í Svíþjóð sex sinn-
um, en á íslandi aldrei. Flestir hafa þátttakendur verið
árið 1910, eða 7000, en fæstir aldamótaárið 1900 eða á
síðasta þingi, en þá voru þeir um 1700.
Þingum þessum hefur jafnan verið ætlað að veita kenn-
urum færi á að ræða þau mál, er efst eru á baugi þeirra
á meðal hverju sinni, að víkka sjóndeildarhring þeirra
og efla gagnkvæm kynni og skilning manna á milli. Hafa
Islendingar sótt þessi þing af miklum dugnaði síðustu tvo
til þrjá áratugi.
Þingið í Helsinki var sett með viðhöfn í Markaðsskál-
anum (Messuhallissa) í Helsinki, en það er geysimikið
hús, og munu áheyrendur hafa verið nálægt 2000. Skiptist