94 MENNTAMÁL ekki urðu veruleg straumhvörf í starfsemi háskólans, fyrr en kemur fram um 1940. Ástæðan til þessa er m. a. sú, að fram til þess árs var háskólinn til húsa í Alþingishúsinu, og má geta þess, að kennsla fór fram í þeim herbergjum, sem þingflokkarnir hafa nú til umráða til flokksfunda sinna. Var mjög að skólanum kreppt þar, og eðlileg vaxtar- og þroskaskilyrði skorti með öllu. Á þessu varð gagngerð breyting, þegar nýja háskólabyggingin var tekin í notkun haustið 1940. Við það urðu bókstaflega aldahvörf í starf- semi skólans. Ég átti því láni að fagna að vera í hópi fyrstu stúdentanna, sem nám stunduðu í þeirri byggingu, en tvö fyrstu háskólaár mín stundaði ég nám í Alþingishús- inu. Er það vissulega mjög gagnlegt að hafa lifað þessi tímamót — umskiptin voru svo gagnger, að mér ei vant orða til að lýsa stakkaskiptunum. Hófst nú gróska sú og þensla í starfsemi skólans, sem ég hef áður lýst, en öðr- um þræði stuðluðu önnur atvik, einkum styrjöldin, að hinni auknu kennslustarfsemi. Háskólabyggingin er sem kunnugt er fögur og stílhrein bygging og um margt hag- anleg, þótt sumt sé þar nokkuð með öðrum hætti en vera myndi, ef sú bygging væri nýreist. Er komið svo, að bygg- ingin er orðin of lítil miðað við þá starfsemi, sem þar fer fram. í allar kennslustofur er t. d. margsett, og getur eng- in deild verið algerlega sér um kennslustofu. Auk þess vantar rúm fyrir ýmis konar æfingakennslu (þ. á m. semínör) og rannsóknarstarfsemi, og mjög er bagalegt, hve félagsleg aðstaða stúdenta er óhæg. Á sínum tíma óx mönnum mjög í augum stærð háskólabyggingarinnar, og töldu ýmsir, að byggingin myndi nægja háskólanum um aldaraðir. Stangast slík orð óþyrmilega við veruleikann. Á háskólalóðinni hafa verið reistar ýmsar aðrar bygg- ingar, eins og kunnugt er — stúdentagarðurinn gamli, sem tekinn var í notkun 1934, atvinnudeild háskólans, sem tók til starfa 1936, stúdentagarðurinn nýi, sem hóf starfsemi 1943, og íþróttahús háskólans, sem tók til starfa 1946.
Beinir tenglar