Menntamál

						244                                                                                    MENNTAMÁL

En ýmsar aðrar breytingar kunna að hafa orðið á ís-

lenzkri æsku síðustu ártugina, og væri það ekki að undra,

slíkum stakkaskiptum, sem þjóðfélagið hefur tekið á þess-

um tímum. En þær breytingar verða ekki mældar í senti-

metrum eða kílógrömmum og naumast heldur með gáfna-

prófum.

Gamall og reyndur skólamaður sagði nýlega við mig,

að sér fyndist hafa dofnað yfir þeim hugsjónum, sem mest

bar á meðal æskufólks á fyrstu áratugum þessarar aldar,

fjarlæg og háleit markmið hefðu þokað fyrir hagsýnni

rökhyggju stundarinnar og umhyggju fyrir eigin hag.

Ekki skal ég dæma um, hversu mikið þessi vinur minn

hefur til síns máls, en líklega nokkuð, og má þá eflaust

finna því eðlilegar skýringar.

Sú er samt von mín, að saman megi fara hjá íslenzkri

æsku skynsamleg hagsýni og einlæg tryggð við góðar og

göfugar hugsjónir. Er það ósk mín til handa öllu æsku-

fólki á Norðurlöndum.