Skírnir

						72                                      Goðorð forn og ný.                           [Skírnir

ætla, að bæði hann og sonurinn, Hallur á Ásgeirsá, hafi

haft goðorðið í umboði Mosfellinganna, eða jafnvel átt

hluta af því. Nú kemur það heim og saman við þetta, að

Hafliði Másson hafi hlotið mannaforræði Mosfellinga í

Húnavatnsþingi með síðari konunni, Rannveigu, dóttur

Teits í Haukadal, og þess vegna flutzt úr átthögum feðra

sinna til Breiðabólsstaðar í Vesturhópi. Þorgils Oddason

var aftur á móti tengdasonur Halls Styrmissonar á Ás-

geirsá og hefir hann eflaust tekið arf eftir þá Ásgeirsár-

menn. Lét Þorgils af hendi við Hafliða, þá er sættir kom-

ust á þeirra milli, lönd þau, er hann átti í Norðlendinga-

fjórðungi.30 Má af líkum ráða, að Hafliða hafi einmitt

verið það kappsmál mikið að hreppa jarðir Þorgilsar í

Húnavatnsþingi, því sjálfsagt hafa ábúendur þeirra verið

fylgjendur og þingmenn hins síðarnefnda.

Þá er Þorgils hafði að fullu goldið Hafliða hinar gíf-

urlegu skaðabætur, sem honum var gert að greiða við

sættargerðina, segir sagan, að hann hafi bætt þar við

virðulegum gjöfum, „er honum hafði gefið Sigríður dótt-

ir Eyjólfs Snorrasonar goða austan frá Höfðabrekku, er

átt hafði Jón Kálfsson.31 Nærri má nú geta, að auðmaður-

inn og stórhöfðinginn Hafliði hafi ekki veitt slíkum gjöf-

um móttöku án endurgjalds, og kemur oss þá strax í hug

goðorðsgjöfin. Að þiggjandanum þarf heldur ekki langt

að leita. Snorri Kálfsson á Mel, faðir og afi þeirra Mel-

manna, sem síðar fóru með „goðorð Hafliðanaut", var

tengdasonur Þorgilsar Oddasonar.32

Svo er sagt, að vinir og vandamenn Þorgilsar hafi

gefið honum fyrir upphæð jafnháa skaðabótunum, en

framlagið til gjafaskiftanna við Hafliða kemur frá Sig-

ríði gömlu á Höfðabrekku, eftir að Þorgils hafði þangað

sótt heimboð. Atriði þetta er harla athyglisvert og skýr-

ingin nærtæk. Snorri Kálfsson hefir verið gömlu konunni

nákominn — líklega sonarsonur hennar. Og þegar vér svo

athugum nafngiftirnar í ættunum, má þetta heita aug-

ljóst. Snorri átti eina systur, sem kunnugt er um, Sigríði.

Hún hefir borið nafn ömmu sinnar. Sjálfur bar Snorri