Nýja-testamentis þýðing Odds Gottskálkssonar 400 ára. Eftir Richard Beck Á þessu ári eru liðnar fimm aldir síðan Jó- hann Gutenberg fann upp prentlistina í nokkurn veginn þeirri mynd, sem hún er nú, því að talið er, að hann hafi tekið upp þá nýbreytni sína, að prenta bækur með hreyfanlegu (sundurlausu) letri árið 1440. Hefir þessa mikla framfaraspors í bókagerð verið minst með ýmsum hætti víða um lönd, þó að styrjöldin hafi vafalaust dregið stórum úr þeim hátíðahöldum, ekki sízt í heimalandi Guten- bergs, Þýzkalandi. Á íslandi var afmælið hátíð- legt haldið með því, að Hið íslenzka Prentara- félag efndi til veglegrar hópferðar að Hólum í Hjaltadal á liðnu sumri, en á því söguríka bisk- upssetri stóð vagga íslenzkrar prentlistar, því að þar var prentverk sett á stofn á fyrra heímingi 15. aldar; hafa ýmsir talið, að það hafi gerst árið 1530, en eigi verður fullyrt um það af þeim heim- ildum, sem nú eru fyrir hendi. Ekki verður hér rakin saga prentlistarinnar í heild sinni, né heldur saga íslenzkrar prentlistar. Hvorutveggja, sér í lagi hið síðartalda. hefir Prófessor Halldór Hermannsson gert svo vel, að eigi verður um bætt í stuttu máli. í hinni prýði- legu ritgerð, "Prentsmiðja Jóns Mattíassonar", í Almanaki þessu fyrir árið 1930.
Beinir tenglar