Kirkjuritið

						Kirkjuritið.

OXFORDHREYFINGIN NÝJA.

Ágrip af sögu hennar.

Eitt af því, sem nú vekur mikla athygli í kristnilífi

heimsins, er Oxfordhreyfingin nýja, eða „The Oxford

group movement". Hún hefir á síðustu árum breiðst óð-

fluga um lönd og álfur, svo að undrum sætir. Þykir

ýmsum, sem þar rísi afturelding eftir stríðsnóttina og

muni hún eyða sortaskýjunum i lofti, svo að ekki komi

úr helskúrir yfir nútímakynslóðina enn á ný. Henni

fylgir sá máttur, að enginn fær dulist, er virðir fyrir sér

opnum augum andlegu veðrabrigðin á vorum dögum.

Og einnig hér norður i höfum eru þeir teknir að gefa

henni gætur, sem áhuga hafa á trúmálum og láta sig

nokkuru skifta stefnu þeirra og strauma í veröldinni

umhverfis oss.

Heitið Oxfordhreyfing á þessari stefnu er ekki alls

kostar heppilegt né réttnefni. Því að fyrst og fremst

heitir þannig önnur eldri stefna á Englandi, hákirkju-

leg, frá fyrri hluta 19. aldar, og svo er hreyfingin ekki

í fyrstu frá Oxford runnin, heldur er það Vesturheims-

maður, sem hrindir henni af stað.

Frank Buchman heitir hann og er fæddur 1880 í

Pennsborg i Pennsylvaniu. Nam hann skólalærdóm

sinn þar vestra og lauk háskólaprófi i guðfræði. Var

hann heldur óframfærinn á skólaárum og þótti ekki

mikið að honum kveða. Eldi mjög lengi af óframfærni

hans og löngu síðar, þegar tekið var að skrifa bækur um