Kirkjuritið - 01.09.1949, Blaðsíða 94
252
KTRKJURITIÐ
— Mér finnst, að á þessum grundvelli ættu allir skynsamir
og hugsandi menn að geta mætzt.
Svo þakka ég þessum andans mönnum fyrir lesturinn.
Benjamín Kristjánsson.
Eilif Skard:
Det gjelder Europa.
Aschehaug. Oslo 1948.
Höfundur bæklings þessa er háskólakennari í Osló. Hann
ferðaðist um Þýzkaland síðastliðið haust á vegum Oxford-
hreyfingarinnar, sem skýrt hefir verið frá áður í Kirkjuritinu.
Nú er hreyfingin að vísu ekki lengur nefnd því nafni, heldur
kennir hún sig við siðabót, eða siðferðilega endurvopnun
(Moral Re-Armament). Brautryðjandi hennar, dr. Frank Buch-
man, er enn á lífi og dvelst löngum í Caux á Svisslandi, en
þangað streymir til hans mikill fjöldi fólks af ýmsum stéttum,
m. a. frægir og áhrifamiklir stjórnmálamenn úr öllum álfum
heims. Nokkrir íslendingar hafa einnig komið þangað, og
þykir mikið til koma andans, sem ríkir í Caux. Hreyfingin
er ekki skipulagsbundin og hefir engin lög, en það er mark-
mið hennar að berjast fyrir lýðræði í kristilegum anda, sann-
leika, réttlæti og kærleika.
Þjóðverjar beiddust þess, að flokkur Siðabótarmanna kæmi
til þeirra, svo að andinn frá Caux mætti breiðast út þar í landi.
Siðabótarmenn brugðust hið bezta við beiðninni og héldu 250
þeirra inn í Þýzkaland í októbermánuði. Eilif Skard var einn
þeirra. Hann kveður mikla viðreisn hafna um allt Þýzkaland
og taki nú aftur að elda af degi. Hann kveður framtíð Evrópu
mjög undir því komna, hvernig sú endurreisn takist. Það,
sem Þjóðverjar þurfi um fram allt til þess að geta lifað og
þroskazt, séu hugsjónir — já, hugsjónir kristindómsins. Með
þeim hætti geti viðreisn Þýzkalands orðið viðreisn Evrópu,
en dragi þýzku þjóðina til dauða, verði einnig Evrópu hætt.
Skard telur árangur hafa orðið mikinn af förinni og viðtökur
framúrskarandi góðar þrátt fyrir sára fátækt Þjóðverja. Lang-
mest áhrif hafði það á Þjóðverja að horfa á sjónleik þann, er
Siðabótarmenn léku og nefnist: Góði vegurinn. Túlkar hann
hið bezta hugsjónir þeirra og aðferðina til þess að koma
þeim í framkvæmd í daglegu lífi.