Sjómannadagsblaðið

						stjórnpalli, skipherrann og forstjórinn.

Veður var hvasst af suðaustri, níu

vindstig og sjór nokkuð úfinn. En Þór

er gott sjóskip, klauf knálega rismiklar

öldurnar og stefndi í austurveg. Ekki

skilaði honum þó ýkjafljótt gegn

stormi og sjóum, enda varð mjög að

draga af vélunum, þótt sterkur sé

byrðingurinn og vel vandað til alls sem

er ofanþilja.

Nú er að segja frá Gunnari Berg-

steinssyni. Hann vék þegar að

símanum og freistaði að ná í þá menn

Landhelgisgæslunnar sem voru á

lausum kjala. En honum tókst ekki að

hafa uppi á þessum mönnum, enda

var þetta á sunnudegi. Hann vissi að

Ægir var í heimahöfn og hringdi til

Garðars Pálssonar, sem er - eins og

áður hefur verið getið - fyrsti stýri-

maður á Ægi. Gunnar sagði honum

hversu ástatt væri og bað hann að vera

trúnaðarmann Landhelgisgæslunnar í

flugvél sem ætti að leysa Glófaxa af

verðinum. Garðar kvaðst geta farið og

tók þegar að týgja sig. Skömmu síðar

hringdi Gunnar aftur og kvaðst hafa

fengið Gunnar Ólafsson, fyrsta stýri-

mann á mælingaskipinu Tý til að vera

Garðari til aðstoðar.

Garðar hringdi á bifreið og hélt síðan

að heiman. Hann kom við hjá

Gunnari Ólafssyni og því næst var

ekið suður á flugvöll. Þar beið

flugvélin Snæfaxi, albúin til farar. I

henni voru tveir menn, flugstjórinn,

Aðalbjörn Kristbjarnarson, og að-

stoðarmaður hans, Sigurður Haukdal.

Hugvélin lyfti sér til flugs klukkan

hálffimm og flaug austur yfir

Reykjanessfjallgarð og út yfir sjó hjá

Eyrarbakka. Síðan var flogið austur

rneð ströndinni. Vindur var allhvass af

suðaustri, en storminn lægði meir og

meir eftir því sem austar dró.

Eftir þriggja stundarfjórðunga flug

sveif Snæfaxi þar yfir sem Þór klauf

öldurnar með hvítan foss fyrir stafni

°g    bógum.    Var    það    suður    af

GarSar    Pálsson    var    trúnaðarmaður

Landhelgisgæslunnar um borð t Snœfaxa.

Drangshlíðarfjalli, sem er vestan við

Skógarfoss. Þá er klukkan var hálfsex

höfðu þeir Garðar samband við áhöfn-

ina á Glófaxa. Hún sagði þeim

einkennisbókstafi togaranna sem

brodegir voru, og þegar Snæfaxi kom

í sjónmál flaug Glófaxi yfir skip

sökudólganna til þess að sýna

Snæfaxamönnum sem greinilegast

hvar þau væru. Klukkan sex flaug

Snæfaxi yfir Van Dyck og fimm mín-

útum síðar yfir skipið sem merkt var

0-294. Síðan kvaddi Glófaxi og hélt

heimleiðis. Glófaxi lenti á

Reykjavíkurflugvelli kl. 19.15"

Van Dyck leggur á flótta

„Þeir Garðar og Gunnar mældu nú

Hér hefur Van Dyck reynt að breiða yfir nafn og númer — en með litlum árangri.

SJÓMANNADAGSBLADIÐ

125