Gripla

						JÓN SAMSONARSON

FJANDAFÆLA GÍSLA JÓNSSONAR

LÆRÐA í MELRAKKADAL

í Biskupaannálum séra Jóns Egilssonar í Hrepphólum er kafli um

ættmenn Ögmundar biskups Pálssonar, og eru raktar ættir frá Ásdísi

Pálsdóttur, systur biskups, og Eyjólfi Jónssyni bónda á Hjalla í Ölfusi.

Sturli hét einn sona þeirra, afabróðir Jóns Egilssonar, sem sjálfur var

þriðji maður frá Ásdísi, sonur Katrínar Sigmundsdóttur frá Hjalla. Um

þá frændur sína, afkomendur Sturla, segir Jón aðeins: 'Sturli átti

mörg börn, og er allur sá ættliður fátækur og ekki nafnkunnugur; Gott-

skálk á einn að heita vestra.'1

Meira er um ættlið Sturla í ættartölubók þeirri sem er kennd við séra

Þórð Jónsson í Hítardal, og er hann rakinn allrækilega í gerð Jóns

Ólafssonar á Lambavatni af þeirri bók, Lbs. 456 fol. bls. 243-45. Þar

eru talin fjögur börn Sturla og Guðrúnar, konu hans: Gottskálk, erfði

Geirseyri við Patreksfjörð og flutti sig þangað að sunnan, Gísli, drukkn-

aði á Suðurnesjum, Eyvör og Guðrún.

Mest er sagt frá afkomendum Gottskálks í ættartölubókinni, og grein

er þar um afkomendur Guðrúnar. Meðal sona Gottskálks var Sturli á

Geirseyri, sem kom við afturgöngumál snemma á 17. öld, þegar hann

leitaði ráðahags við Herdísi Magnúsdóttur. Hún hafði áður verið gift

ívari Eyjólfssyni. ívar drukknaði, og var talið að hann gengi aftur og

sækti að Herdísi. Þá var sóttur Þorleifur Þórðarson (Galdra-Leifi), sem

sagt er að brúkaði 'sína stefnu eftir gömlum vana', og varð hlé á

Skammstafanir: AMKat.: Katalog over den Arnamagnæanske hándskriftsamling

I-II, Kh. 1889-94. ÍGSVÞ: íslenzkar gátur, skemtanir, vikivakar og þulur. Safnað

hafa J. Árnason og Ó. Davíðsson. I-IV, Kh. 1887-1903. ÍÞÆ: íslenzkar þjóðsögur

og ævintýri. Safnað hefur Jón Árnason. Árni Böðvarsson og Bjarni Vilhjálmsson

önnuðust útgáfuna. I-VI, Rvk. 1954-61. Smœfir: Sýslumannaæfir eptir Boga

Benediktsson. I-V, Rvk. 1881-1932.

1 Safn til sögu íslands og íslenzkra bókmenta I, Kh. 1856, bls. 75.