Gripla

						110                                                GRIPLA

VI nr. 78A tortryggilegt, því að orðalag þess er ekki síður algengt en

hitt: Af 15 frumbréfum frá árinu 1476 með sams konar upphafi hafa 8

kunnugt, en 7 viturlegt, og 7 hafa opnu bréji, en 8 bréfi.

2) Tíma- og staðsetning er þannig í DI VI nr. 78A í framhaldi af

bréfsupphafinu: anno domini 1476 þriðjudaginn nœstan efter Jóns

messu baptista að Skarði á Landi á þingstað réttum. Sama form er á DI

V  nr. 402: anno domini m° cd° lx° quinto miðvikudag næstan fyrir

Cesselíu messu í Skarði í Landmannahrepp á þingstað réttum. Hér er

rétt að víkja nánar að nokkrum atriðum: a) Venja er í bréfum, að í

upphafi tíma- og staðsetningar sé samtengingin að, enda á hún að vera

þar að réttu máli (Það gerum vér . . . kunnugt . . . að . . . vorum vér í

dóm nefndir . . .), en að er stundum sleppt, og svo er gert í báðum þess-

um Skarðsbréfum og þrem öðrum rangæskum bréfum frá seinni hluta

15. aldar, DI V nr. 410 (í Klofa í Landmannahrepp 1466), DI VI nr.

271 (á Keldum í Áverjahrepp 1480) og DI VII nr. 368 (á Eystrum-

Völlum á Landi 1497). — b) anno domini er með algengasta orðalagi

á undan ártali. Algengara í frumbréfum frá 8. tugi 15. aldar er þó orða-

lagið þá (er) liðið var frá hingaðburði vors herra Jesu Christi eða

afbrigði af því, en öll 6 frumbréf úr Rangárvallasýslu frá þessum ára-

tugi hafa orðalagið anno domini. — c) Ártöl í bréfum frá 15. öld eru

einlægt tilgreind með rómverskum tölum eða með töluorðum latneskum

eða íslenskum, en algengt er í uppskriftum frá síðari öldum að snúa

rómverskum tölum í arabískar. — d) Dagsetningin er algjörlega í sam-

ræmi við siðvenju greinds tíma. — e) að Skarði á Landi ] í Skarði í

Landmannahrepp : Eina frumbréfið frá seinni hluta 15. aldar auk DI

V  nr. 402, sem nefnir Skarð (DI V nr. 186), hefur einnig síðarnefnda

orðalagið. Vera má að að sé villa í uppskrift, en á Landi á sér hlið-

stæður á þessum tíma, t. a. m. í DI V nr. 139 (1457), í Klofa á Landi í

Landmannahrepp. — f) í báðum bréfunum er á þingstað réttum bætt

við staðarákvörðun, eins og algengt er í bréfum frá þessum tíma, t. d.

DI V nr. 381 (1464) og nr. 460 (1468).

II B

Ef litið er á frávik í formi bréfanna DI VI nr. 78A og DI V nr. 402 að

svo miklu leyti sem það er sambærilegt, má sums staðar benda á hlið-

stæður við orðalag fyrrnefnda bréfsins í öðrum bréfum frá svipuðum

tíma: