Gripla

						FIMM  HUNDRUÐ  ÁRA  DÓMUR                           111

1)  7 [6] vorum vér í dóm nefndir . . .: Hér hefur DI V nr. 402 til

nefndir í stað í dóm nefndir, en orðalag DI VI nr. 78A er mjög algengt

í frumbréfum, sjá t. d. DI V nr. 575, nr. 597, nr. 602, nr. 623, nr. 629,

nr. 654, nr. 670 og nr. 689 frá árunum 1471-75.

2)  9 [8] meta og skoða]dœma (DI V nr. 402): Síðara orðalagið er

langalgengast, og orðalagið meta og skoða virðist ekki koma fyrir í

dómsbréfum sem prentuð eru í DI V, en hins vegar skoða og dœma í

DI V nr. 670, frumbréfi frá 1474.2

3)  20-21 [16-17] Því eftir þeim eiði og svo prófuðu máli sem fyrr

skrifað er dœmdum vér . . .: Til þessa svarar aðeins Því dæmdum vér í

DI V nr. 402, sem er mjög algengt. Algjöra hliðstæðu orðalagsins í DI

VI nr. 78A höfum við ekki fundið í DI V, en hliðstæður að nokkru leyti

eru t. a. m. í DI V nr. 122, en að eiðinum unnum dœmdum vér . . .

(1456, AM apogr.), nr. 460, Því fyrir áður skrifaðar greinir dæmdum

vér . . . að svo prófuðu . . . (1468, transskr. frá sama ári), nr. 654, Því

eftir þessum öllum gögnum og vitnum, hefðum og prófum, sem hér

hefir verið svarið fyrir oss . . . dœmdum vér . . . (frbr. 1474), og nr.

698, Þvi að heilags anda náð til kallaðri að svo prófuðu og fyrir mig

komnu segi eg . . . (frbr. 1475).

4)  Innsiglunarformálinn 34-35 [29-30] (Og) til sanninda hér um

setjum vér fyrrnefndir dómsmenn vor innsigli fyrir þetta dómsbréf er

frábrugðinn í DI V nr. 402, og formið þar (þar sem tekið er fram um

innsiglun dómnefnanda), eða afbrigði af því, mun vera algengara um

þetta leyti, a. m. k. í dómum sem sýslumenn eða lögmenn hafa nefnt í.

Þó eru hliðstæður við texta DI VI nr. 78A t. d. í DI V nr. 381 (frbr.

1464), nr. 460 (1468, transskr. frá sama ári), VI nr. 134 (1478, AM

apogr.) og nr. 417 (1483, transskr. frá næsta ári). í þrem fyrstnefndu

dómunum eru dómsmenn nefndir af sýslumanni og í þeim síðastnefnda

af hirðstjóra. Hliðstæður eru í fleiri dómum leikmanna frá þessu skeiði,

sem lakar eru varðveittir, og auk þess í prestadómum. Loks má nefna

að innsiglunarformáli DI VI nr. 78A á sér ótal hliðstæður í frumritum

vitnisburða um jarðakaup og fleira, en í slíkum bréfum er þó að sjálf-

sögðu menn eða prestar í stað dómsmenn og bréf í stað dómsbréf, eins

og stundum í dómsbréfunum sjálfum.

2 Athyglisvert er að dómnefnandi í þessu bréfi er Oddur lögmaður Ásmundsson,

sem er nefndur fyrstur dómsmanna í DI VI nr. 78A.