Gripla

						128                                                 GRIPLA

svo sýnast til, að hann mundi bezt til fallinn að bera hvert tignarnafn

sem hann hlyti.

Brands þ.

. . . og svo hafði hann mælt Þjóðólfur, að honum þætti eigi sýnt, að

annar maður vœri betur til konungs fallinn í íslandi fyrir sakar örleika

hans og stórmennsku.

Bandam.s. (K)

Hvort var það satt, að Haraldur konungur mælti það, að værir bezt til

konungs fallinn á íslandil

Um skyldleika þessara rita verður ekki fjallað að sinni, þótt hins

megi geta að mér þykir sennilegt að Bandamanna saga hafi stuðzt við

þátt. Að vísu bregður oft fyrir svipuðu orðalagi í tveim sögum, þótt

þær virðist vera lítt skyldar að öðru leyti, og skal því fara varlega í þær

sakir að draga ákveðnar ályktanir af slíku. En þegar vönduð saga á

borð við Bandamanna sögu á í hlut, verður að gera ráð fyrir víðlesnum

höfundi.

Lítill vafi leikur á því að Brands þáttur hefur þegið úr ísleifs þætti

biskups. Eftirfarandi glefsur úr síðarnefndum þætti má bera saman við

orð Haralds og lýsingu á Brandi hér að framan: 'Og á einni hátíð mælti

konungur: „Brandur, þigg að mér skikkju þessa." Það var skarlaks-

möttull . . . ísleifur var þá prestur og félítill, er hann kom sunnan úr

löndum. Þá mælti Brandur: „Þú skalt þiggja að mér skikkju þessa, er

konungurinn gaf mér." Hann svarar: „Eigi hefir þú enn tapað örlynd-

inni, og vil eg gjarna þiggja."' (Útg. 1938, 21. bls.). Þetta á að hafa

gerzt á dögum Ólafs helga, sem gefur Brandi skikkju, sem Brandur

gefur síðan ísleifi; að lokum tekur konungur gjöfina aftur og gefur

sjálfur ísleifi, en geldur Brandi verð fyrir.

(Hér skal þess getið innan sviga að Hungurvaka hafði greinilega

áhrif á Auðunar þátt vestfirzka sem einnig er í Morkinskinnu og öðrum

konungabókum. Hungurvöku segist svo frá um vígsluför ísleifs bisk-

ups: 'Síðan fór hann utan og suður til Saxlands, og sótti heim Heinrek

keisara Konráðsson og gaf honum hvítabjörn, er kominn var af Græn-

landi, og var það dýr hin mesta gersemi. En keisarinn fékk ísleifi bréf

sitt með innsigli um allt veldi sitt. Síðan fór hann til fundar við Leon-

em páfa.' (1938: 76). Auðunar þáttur segir frá manni sem sækir hvíta-

björn til Grænlands frá Noregi og fer síðan með hann til Danmerkur