Gripla

						JÓRSALAFERÐ                                           241

Húgons. 'En hon svaraði ok kvað hann drýgt hafa.'m Er svarið í

óbeinni ræðu og ekki eins hispurslaust og í kvæðinu: 'Já, herra kon-

ungur' (v. 729).

í sögunni er felld brott ljóðlína 734, einnig lýsing á búningi Villifers,

og má geta þess að sú lýsing kvæðisins er torskilin (vv. 745^6). Villi-

fer sögunnar varpar gullknettinum á borgarvegg, ekki á hallarvegginn

eins og hann gerir í kvæðinu. Vera má að þýðanda hafi fundist að

'gabb' þetta gengi fullnærri persónu Húgons og því láti hann það bitna

á borgarveggnum. Af honum falla niður fjörutíu faðmar. í kvæðinu

fellir Villifer úr hallarveggnum fjörutíu tígulsteina (v. 750). Húgon

harmar að 'gabb' þetta skuli hafa tekist (vv. 754-55), en þær harmatöl-

ur er ekki að finna í sögunni og ekki heldur hótun hans þess efnis að

hann skuli láta hengja Frankismenn í sterka gálga takist þeim ekki að

fremja afreksverk sín (w. 760-61).

Á þessum stað lýkur handriti A af Jórsalaferð og vantar seinustu

blöð frásagnarinnar. Byggir Unger útgáfutexta sinn á handritum a, B

og b í þeim hluta sem eftir er. Handrit A endar þegar Húgon ætlar að

fara að útnefna Túrpín til að taka að sér næsta 'gabb': 'Hugon konungr

svarar.' Setning þessi samsvarar fyrri hluta v. 764: 'E dist Hugue li

Forz.' í sögunni er það erkibiskupinn Túrpín sem kemur af stað flóð-

inu, en eins og áður er komið fram skipta hann og Bernarður um hlut-

verk í sögunni.

í þessum kafla sögunnar er óvenju mörgum setningum aukið við

texta kvæðisins, en það á aðeins við um þann hluta sem við tekur þeg-

ar handrit A þrýtur. T.d. er Húgon orðmargur mjög þegar hann 'gefst

upp' fyrir Karlamagnúsi og auk þess er mál hans allt í beinni ræðu:

'Karlamagnús konungr, segir hann, hver er ætlan þín við mik, er þér

alhugat at drekkja mér í vatni þessu? Ek vil gjarna gerast maðr þinn

ok halda ríki af þér ok vera skattgildr undir þik, ok gefa þér alt fé mitt

ok svá gripi, er þú kemr þessum vanda af oss.'122 í kvæðinu er sagt frá

'uppgjöf Húgons í óbeinni ræðu og aðeins í tveimur ljóðlínum (786-

87). Einnig er skotið inn stuttri setningu milli w. 777 og 78 og prjónað

lítillega framan við v. 781. Á hinn bóginn eru felldar brott ljóðlínur

770, 778, 782, 792.

í þessum kafla sögunnar eru felldar niður 17 ljóðlínur.

m Unger, bls. 479.

122 Unger, bls. 481.