Eimreiðin

						216                         HVAR   VAR   HOF   í   HRÓARSTUNGU?               eimreiðin

Hver var þessi Hróar Tungu-goði? Þeirri spurningu get

ég ekki svarað, því þar er á engum ritum að byggja, sem

ég þekki. Eflaust hefur maður með því nafni verið til, því

annars hefði Hróars-nafnið ekki verið sett framan við sveitar-

nafnið Tunga, sem er vel viðeigandi eftir lögun sveitarinnar.

Það er engin ástæða til að vefengja sögnina um Hróar

þennan, í Fljótsdælu, það sem hún nær, og auðséð er að sá,

sem ritaði Fljótsdælu, hefur verið vel kunnugur á Austur-

landi, því staðalýsingar eru fiestar réttar og nákvæmar. Þó

eru  áttir  ekki  réttar á sumum stöðum,   en litlu munar það.

Eg man ekki eftir að ég hafi séð Hróars Tungu-goða getið

nema í Landnámu. Hann er þar talinn sonur Una landnáms-

manns Garðarssonar, sem flýði frá landnámi sínu á Útmanna-

sveit fyrir austan Lagarfljót (Hjaltastaðaþinghá). En ekki

verður annað séð af Landnámu en að Hróar sá haíi tekið

arf og mannaforráð í Skógahverfi eftir Leiðólf kappa, móður-

föður sinn. Sonur hans er þar talinn Hámundur halti, en

Hróar á Hofi er talinn barnlaus. Er því ólíklegt að hér sé

um sama mann að ræða. En hvernig fékk hann viðurnefnið

Tungu-goði? — Þarna er rannsóknarefni fyrir fornfræðinga.

Það má vel vera að eitthvað mætti finna í fornum skjólum,

sem gæfi upplýsingar um þetta mál. Rústirnar á Fornustöðum

eru æfagamlar, og hefur eflaust ekkert verið við þeim rótað

um margar aldir.

Þær eru fáorðar, sögurnar okkar Austfirðinga, en staðalýs-

ingar í þeim eru flestar mjög nákvæmar. Þar eru því mörg

rannsóknarefni, sem vert væri að athuga, t. d. þingstaðurinn

á Þinghöfða. Þar mátti sjá búðaiióftir margar, þegar ég koBQ

þar síðast.