Eimreiðin - 01.01.1945, Blaðsíða 108
EIMREIÐIN
[/ þessum bálki eru meðal annars birt bréf og gagnorðar umsagnir
frá lesendunum um efni þau, er EIMREIÐIN flytur, eða annað á
dagskrá þjóðarinnar. Bréfin séu sem stuttorðust, vegna rúmsins.]
KVEÐJA ÚR VESTURVEGI
EIMREIÐINNI hefur borizt
eftirfarandi bréf, komið alla leið
vestan frá Kyrrahafsströnd. Það
er ritað af manni, sem í hálfa
öld hefur verið áskrifandi að
Eimreiðinni og er það enn. Þessi
maður er Vestur-íslendingurinn
Árni S. Mýrdal á Point Roberts,
Washington-fylki í Bandaríkj-
unum. Engum er það ljósara en
móttakanda bréfsins, að seint
verður því náð að gera Eimreið-
ina svo úr garði, sem óskir hans
standa til. En hún þakkar hlý
og vinsamleg ummæli bréfritar-
ans og þær athuganir, sem bréf
hans hefur að flytja. En það er
á þessa leið:
Þar sem hálfrar aldar afmæli
Eimreiðarinnar fer nú í hönd,
langar mig til að senda henni
fáeinar línur í tilefni af því. Þær
verða ekki bókmenntalegs eðlis,
en ekkert verður í þeim skráð
annað en það, sem kemur frá
innstu rótum hjarta míns.
Ég gerðist áskrifandi að Eim-
reiðinni — hér f Ameríku —
nokkrum mánuðum áður en hún
hóf göngu sína. Þá var ég fimm-
tíu árum yngri en ég er nú —
og lundin því mun bráðari. Að
jninnsta kosti leið tíminn seint,
að mér fannst, þar til fyrsta
heftið kom í mínar hendur. Mér
varð starsýnt á nafnið. Því var
bókmenntalegu riti valið svona
órauntækt nafn? Það virtist
stinga svo í stúf við tilgang
þess. Inngangurinn, hugsaði ég,
gerir grein fyrir því. En það var
enginn inngangur í þeirri merk-
ingu, sem það orð er venjuleg-
ast notað. En enginn inngangur
hefði getað svarað spurningu
minni með skýrari orðum en
kvæðið og greinin, sem fyrsta
heftið byrjar með. Þarna er
saga frelsisbaráttunnar og
framfarastiganna — saga
hverrar frjálsrar framfaraþjóð-
ar. — í fjarlægðinni blámar
fyrir framtíðarlandinu, en leið-
in er torsótt og löng — og lengri
sökum þess, að fáir eiga nægi-
legt þor til að reyna „að brjótast
það beint“. Fyrsta brautin er
krókótt einstigi. Svo er hún
smám saman breikkuð, bætt og
stytt, ný flutningstæki fundin
upp og hagnýtt.
Kvæðið, þýdda greinin og
heimfærsla hennar upp á ísland,
voru ekki sett fremst rétt af til-
viljun einni, heldur af fyrir-
huguðu ráði. Þar er allt í réttri
röð afleiðinganna.