Uppeldi og menntun

						SOLVEIG  JAKOBSDOTTIR

almennra spurninga (um gerð skóla, stærð, kennsluhætti, skipulag og samvinnu

kennara). Einnig var spurt um staðsetníngu og fjölda tölva í skóla og Nettengingar

(3 sp.) og nýtingu þeirra (9 sp.). Að lokum tengdust sex spurningar stefnumótun

um notkun tölva í skóla og jafnréttismálum.

Framkvæmd

Rannsóknin var gerð síðari hluta nóvember 1998. Að fengnu leyfi frá viðkomandi

skólastjórnendum og leyfi hjá umsjónarkennurum valinna bekkja (þegar þeir voru

aðrir en háskólanemarnir sjálfir) voru send bréf heim með nemendum þar sem rann-

sóknin var kynnt og foreldrar beðnir um að undirrita yfirlýsingu og senda í skólann

með barni sínu ef þeir vildu ekki að það tæki þátt í rannsókninni. Sárafáar slíkar

yfírlýsingar bárust. Einnig var nemendum gert ljóst í upphafi könnunar að þátttaka

væri frjáls og þeir gætu sleppt að svara einstökum spurningum eða hætt þátttöku

hvenær sem væri og látið þá kennara vita. Örfáir ákváðu að vera ekki með (þrjár stúlk-

ur úr skóla L2). Misjafnt var eftir aðstæðum hvort könnun var lögð fyrir á prenti (og

viðkomandi háskólanemi sendi niðurstöður inn á vef) eða hvort nemendur fylltu

könnunina út sjálfir á vefnum. í skólum RF, R3, L4 og L5 tóku nemendur þátt í könn-

un á vef en í öðrum skólum á prentí. Miðað við upplýsingar frá viðkomandi háskóla-

nemum gekk mjög greiðlega að láta nemendur svara á vefnum, þeir voru áhugasamir

og gagnasöfnunin gekk tiltölulega fljótt fyrir sig (um 10-25 mín./nemanda). Yfirleitt

svaraði hver bekkur/nemendahópur könnuninni í tölvuveri nema í skóla L5 þar sem

þátttakendur (samtals 20) fóru einn og einn í einu í staka tölvu í sérherbergi. f öðrum

skólum var ekki aðstaða til að láta nemendur svara á vef á þeim tíma sem um var að

ræða og var því könnunin lögð fyrir nemendur í prentuðu formi (5 bls.). Gagnasöfnun

þar gekk þó tiltölulega vel en tók lengri tíma en vefkönnunin (15-35 mín.) og eitthvað

bar á að yngstu þátttakendurnir yrðu dálítið óþolinmóðir og gengi ekki eins greiðlega

að svara spurningum í síðari hluta. Einnig lentu sumir háskólanemanna í vandræðum

þegar þeir slógu inn svörin á vefinn þar sem ýmsir nemendur höfðu merkt við fleiri en

einn möguleika í spurningum þar sem aðeins var ætlast til að merkt væri við einn

möguleika. Var þá sá möguleiki valinn sem taldist líklegri (miðað við þekkingu á að-

stæðum/hópi) eða af handahófi. Spurningalisti til skóla var fylltur út af skólastjórn-

anda og/eða umsjónarmanni tölvumála (eða tölvukennara) hvers skóla.

Úrvinnsla gagna

Gögnum var safnað í textaskjal á Netinu. Voru þau afrituð og niðurstöður færðar í

Excel. Þar þurfti að fara yfir þau gögn sem nemendur höfðu sent inn sjálfir því aðeins

bar á því að sama svar hefði verið sent inn oftar en einu sinni. Augljóst var vegna

fjölda svara og opinna spurninga ef um sama svarið var að ræða og var öllum slíkum

aukasvörum eytt (um 5-10% svara frá þeim fjórum skólum sem um var að ræða).

Tölulegar niðurstöður voru unnar í SPSS. Tíðnidreifing og/eða meðaltöl fyrir stúlkur

og pilta voru fundin í einstökum skólum og fyrir heildina. Kí-kvaðratpróf voru notuð

til að finna kynjamun í dreifingu svara. Pearson-fylgnipróf voru gerð á niðurstöðum

nema úr 8.-10. bekk til að finna þær breytur sem helst hefðu áhrif á hvort kynjamun-

ur kæmi fram í færni og viðhorfum. Fervikagreiningar voru nýttar til að finna mun

129