Ægir - 15.10.1966, Blaðsíða 14

Æ GIR
316
t
Minningarorð:
Benedikt Benediktsson
fiskmatsmaður
Hann andaðist að heimili sínu í Nes-
kaupstað 15. september síðastliðinn. Fædd-
ur var hann 18. apríl 1889. Foreldrar hans
voru Margrét Hjálmardóttir og Benedikt
Sveinsson, póstafgreiðslumaður á Borgar-
eyri í Mjóafirði Ævistarf Benedikts var
fyrst og fremst bundið við sjósókn og út-
gerð. Vil ég því biðja Ægir að geyma mynd
af honum ásamt þessum línum. Ekki verð-
ur hér rakin ævisaga Benedikts, en aðeins
getið í mjög stuttu máli nokkurra helztu
þátta úr starfi hans.
Framan af ævi stundaði hann sjó, á
róðrarbátum, vélbátum og togurum. Síðar
rak hann vélbátaútgerð sjálfur um nokkur
ár.
Sem sjómaður var hann harðsækinn og
traustur, má þar sérstaklega minnast skip-
stjórnar hans á vélbátnum Drífu, tæpleg<1
30 lesta bát, sem hann stýrði á árunum
1921—1924, eða þar um bil, í flutningum
milli Hornafjarðar og Austfjarða, með
saltfisk austur, en ýmsar nauðsynjar út-
gerðarinnar suður. Þessa þjónustu rækti
Benedikt af trúmennsku, allir þeir er þa
sóttu til Hornafjarðar munu minnast þess
er Drífa kom færandi hendi undir stjórn
Benedikts, suður eða austur á hinar ýmsu
hafnir austanlands. Aðallega voru þetta
vetrarferðir, reyndi þá vissulega á karl-
mennsku og glöggskyggni sjómannsins.
Útgerð sína rak hann með myndarbrag
um nokkur ár.
Er ég tók við starfi skipaeftirlitsmanm
á Austfjörðum 1947, þurfti ég víða að
velja skipaskoðunarmenn, ieitaði ég þá
Benedikts, varð það að samkomulagi
að
hann tók við skipaskoðunarstarfi í Nes-
kaupstað. Reyndist Benedikt í því starfh
sem og öðrum störfum, samvizkusamur °=
traustur samstarfsmaður. Sem fiskmats-
maður naut hann þeirrar þekkingar, sem
hann öðlaðist frá barnæsku, við fiskverkun
og útgerð, í senn vandvirkni og mikil ðX'
köst. Er við sjáum á eftir samferðamönn-
unum, streyma minningarnar fram hvei
af annarri allt frá barnæsku. Ég á aðeins
ánægjulegar minningar um Benedikt, sem
alltaf var hress og glaður. Karlmennskum1
bar hann með sér hvar sem hann f°1-
Kvæntur var hann Helgu Hinriksdóttm •
sem lifir hann ásamt dóttur.
Sendi ég þeim og öðrum vandamönnum
hans innilegar samúðarkveðjur.
Árni Vilhjálmsson.
| ÆGIR
__
rit Fiskifélags Islands. Kemur út hálfsmánaðarlega. Árgangurinn er
kringum 450 síður og kostar 100 kr. Gjalddagi er 1. júlí. Afgreiðslu-
sími er 10501. Pósth. 20. Ritstj. Davíð Ólafsson, Prentað í ísafold-