26 Tímarit lögfræðinga á betli og stuldum, þar til þeir voru teknir fyrir stuld af nýju og enduðu líf sitt eigi sjaldan í gálganum.i) 3. Eyrisstuldur þriðja sinni varðaði sex mörkum til kon- ungs og skilyrðislausu húðláti. Brennimark er ekki nefnt, og sýnist ekki til þess ætlazt, að aðili væri markaður oftar en einu sinni. Vandarhaggatalan er ekki ákveðin, og hefur því dómendum verið ætlað að ákveða hana hverju sinni. 4. Fjórða sinni framinn eyrisstuldur varðaði dauðarefs- ingu. Hún var jafnan framkvæmd með hengingu í gálga. Bera enn í dag ýmis örnefni þessum refsihætti vitni, t. d. Gálgaklettar, Gálgahraun o. s. frv. Dæmdir þjófar áttu auðvitað ekki kirkjulægt, enda voru jarðneskar leifar þeirra venjulega dysjaðar einhvers staðar í námunda við aftökustaðinn. C. Næst kom stuldur, þar sem þýfi var taliS ein mörk og allt aS tveimur mörkum. Þar var og greint milli þjófnaðar, framins fyrsta eða öðru sinni. 1. Merkurstuldur framinn fyrsta sinni varðaði 13 marka sekt (5, 2 hundr.) til konungs, enda skyldi brotamaður fara útlægur, ef sekt galzt ekki. Má fara nærri um það, að fæstir brotamenn hafa getað goldið þá f járhæð, og út- legð hefur því jafnaðarlega orðið þeirra hlutskipti. Brenni- marks er ekki getið. Þess hefur sennilega ekki verið talin þörf, með því að brotamaður skyldi fara af iandi brott. Manni. Gísla nokkrum Eiríkssyni, sem stolið hafði til 8 vætta og þó nokkru meir, er þó dæmt mark 1690, og virð- ist það hafa verið þjófnaður fyrsta sinni framinn. 2) 2. Merkurstuldur öðru sinni varðaði dauðarefsingu. Hún var framkvæmd með hengingu í gálga með sama hætti sem sagt var um eyrisstuld fjórða sinni. D. Efsta stig þjófnaðar, ef svo mætti segja, var stuldur til tveggja marka og þar yfir. Var og greint milli stuldar framins fyrsta eða öðru sinni. 1) 1 manntali 1703 eru t. d. nafngreindir þrír „markaðir þjófar" meSal umrenninga i Gnúpverjahreppl og einn i Mosíelssveit (Manntal 1703 bls. 32. 534). 2) Alþingisbók 1680 nr. 10.
Beinir tenglar