Tímarit lögfræðinga

						58 _______________________Tímarit lögfræöin ga

ardómarar mjög oft próf í opinberum málum til þessa

ráðuneytis til ákvörðunar um framhaldsaðgerðir í þeim.

Fyrrum var það siður, að lagt var þar fyrir rannsóknar-

dómara að rannsaka tiltekin atriði og annað það, sem sú

rannsókn veitti efni til. Máttu slíkar leiðbeiningar verða

héraðsdómara mikill styrkur í starfi sínu og verða til

skýringa. Ef ráðuneytið tæki þenna gamla sið upp, þá

mundu þau mál sennilega verða færri en nú er, þar sem

nýrrar rannsóknar þyrfti, áður en dómur verði lagður á

þau í hæstarétti. Og stundum mundi rækilegri rannsókn

leiða til þess, að mál yrði ekkert höfðað eða að dómi yrði

ekki áfrýjað. En hvorttveggja yrði til tímaspamaðar og

fjársparnaðar.

Bréfið varðar beinlínis hæstaréttarlögmenn eina. Það

lýsir bezt sjálft ástæðum til þeirrar ráðabreytni, sem þar

kemur fram. Sú breyting, sem hæstiréttur ætlast til, að

á verði störfum hæstaréttarlögmanna, er aðallega fólginn

í þessu:

1. Með því að það er hlutverk ákæruvalds, þar á meðal

sækjanda í hæstarétti, að hlutast til um rækilega rannsókn

opinberra mála, þá er sækjanda opinbers máls rétt og skylt

að annast framhaldsrannsókn þess a/ sjálfsdáðum og í

samráði við dómsmálaráðuneytið, ef slíkrar rannsóknar er

þörf, áður en mál er tekið til meðferðar í hæstarétti.

Hér er nýtt starf og ný ábyrgð lögð hæstaréttarlögmönn-

um á herðar. Lengstum hefur sá háttur verið hafður, að

sækjandi og verjandi hafa undirbúið ágrip héraðsdóms-

gerða, og það hefur síðan verið fjölritað og sent hæsta-

rétti, og svo hefur dómurinn ákveðið með úrskurði, ef því

hefur verið að skipta, um framhaldsrannsókn, enda greint

þau atriði, er héraðsdómari skyldi rannsaka til viðbótar

fyrri rannsókn. Dómurinn sendi dómsmálaráðuneyti síðan

úrskurð, og það lagði síðan fyrir héraðsdómara að fram-

kvæma framhaldsrannsókn. Hæstiréttur vill firra sig þeim

töfum, sem þessi skipun olli á störfum dómsins, og lýst er í

bréfinu. Nú ætlast hæstiréttur til þess, að sækjandi opin-

bers máls (og væntanlega verjandi líka, ef því er að skipta)