Tímarit lögfræðinga - 01.10.1975, Blaðsíða 8

ritagerð og leiklist, en leikdómar Sigurðar Grimssonar hafa að bestu manna
yfirsýn, leitt í Ijós mikla smekkvísi hans og þekkingu í leiklistarmálum.
Þannig átti Sigurður Grímsson marga strengi á sinni listalíru.
tögfræðin er sannarlega merkileg vísindagrein. En það eru vissulega
margar listgreinar, sem eiga þess góðan kost að dafna og láta Ijós sín
skína við hlið lögfræðinnar. Það þarf ekki lengi að leita í persónusögunni ís-
lensku til þess að finna þess mörg og óræk dæmi, sem þó ekki verða nefnd
hér. En Sigurður Grímsson var einn af þeim mönnum, er höfðu marga strengi
á sinni lista- og lærdómslíru. Þeir, sem hafa kynnst honum, munu ekki
gleyma honum. Hann var aðlaðandi í meira mæli en flestir aðrir menn.
Svipmót hans mótaðist af glaðværð og hispursleysi. Þeir, sem farið hafa
um Austurstræti eftir fráfall Sigurðar, lita í kringum sig og horfa. Þá vantar
eitthvað. Þá vantar glaðlega, glæsilega göngumanninn með flaksandi káp-
una, manninn með fjör og líf í hverri hreyfingu. — Þá vantar Sigurð Grímsson.
En eftir lifir þó einn af skólabræðrum hans og vinum, sem vissulega hefir
sett sinn varanlega blæ á Austurstræti, en það er Ijóðsnillingurinn mikli,
Tómas Guðmundsson lögfræðingur.
Stefán Jóh. Stefánsson.
THEODÓR B. LÍNDAL
Hinn 2. febrúar þ. á. andaðist hér í borg
Theodór B. Líndal prófessor. Hann var fæddur
í Reykjavík 5. desember 1898. Foreldrar hans
voru Sigríður Metúsalemsdóttir Magnússonar
bónda að Arnarvatni í Mývatnssveit og Björn
yfirdómslögmaður og útgerðarmaður Jóhann-
esson Líndal, bónda á Sporði í Línakradal.
Theodór var því af góðu bergi brotinn i báðar
ættir. Hann varð stúdent frá Menntaskóla
Reykjavíkur árið 1919 og cand. juris frá Há-
skóla islands 16. júní 1923 með 1. einkunn
1371/3 st. Árin 1926—1927 stundaði hann fram-
haldsnám í réttarfarslöggjöf í Danmörku, Nor-
egi og Þýskalandi, en sú grein lögfræði varð
hans aðalkennslugrein við Háskólann. Árið
1921, eða á 2. námsári hans í lagadeild, réðst
hann til starfa á lögmannsskrifstofu Lárusar Fjeldsted hæstaréttarlögmanns
hér í borg og var i því starfi til 1. júlí 1923, er hann, að loknu lagaprófi, gerð-
ist félagi Lárusar og síðar sonar hans Ágústar hæstaréttarlögmanns um hina
vel þekktu skrifstofu þeirra. Ráku þeir skrifstofuna saman til 1. júlí 1954, að
Theodór tók við prófessorsstörfum við lagadeild Háskóla islands, en kennslu
við lögfræðideild hafði hann stundað með málflutningsstörfum frá árinu 1941.
54