Tímarit lögfræðinga - 01.12.1976, Blaðsíða 53
Ávíð
dreif
NORRÆNAR STOFNANIR
Nordiska samarbetsorgan kallast nýútkomin bók, rúmlega 200 bls., sem á
a3 vera hjálpargagn til að auðvelda samskipti milli norræna stofnana og
milli slíkra stofnana og almennings. Bókinni er skipt í 3 hluta. Fyrst er sagt
frá Norðurlandaráði og stofnunum þess, þá ráðherranefnd Norðurlanda og
stofnunum á hennar vegum og loks frá fjölda norrænna stofnana annarra, sem
eiga að starfa til frambúðar.
Milliríkjasamningur um samstarf Norðurlanda almennt var ekki gerður fyrr
en 1962, og kallast hann manna á meðal Helsingsfors-sáttmálinn. Hér á landi
var hann birtur með auglýsingu nr. 7/1962, sbr. og augl. nr. 16/1971. Þar
er kveðið á um starf Norðurlandaráðs, ráðherranefndarinnar o.fl. Hér á eftir
verður sagt frá nokkrum atriðum, sem getið er um í Nordiska samarbetsorgan,
og þau helst valin, sem ætla má, að veki áhuga íslenskra lögfræðinga.
Norðurlandaráð. í því „starfa saman þjóðþing og ríkisstjórnar Norðurlanda",
eins og segir í 39. gr. Helsingsfors-sáttmálans. Lögþing og landsstjórn Fær-
eyja og stjórn Álandseyja taka þátt í störfum ráðsins án atkvæðisréttar. Ár-
lega eru kosnir í ráðið 78 þingmenn, 6 þeirra af Alþingi. Tala ráðherra í
Norðurlandaráði fer eftir ákvörðun ríkisstjórnanna. Ráðið heldur aðalþing í
febrúar ár hvert, en við og við eru aukaþing og nefndafundir eru tíðir. i for-
sætisnefnd ráðsins er einn maður frá hverju hinna 5 norrænu ríkja. Ragn-
hildur Helgadóttir átti sæti í nefndinni af íslands hálfu 1976, en varamaður
var Jón Skaftason. Forsætisnefndin hefur skrifstofu í Stokkhólmi, og er
aðalritari nefndarinnar Helge Seip, fyrrum ráðherra frá Noregi. Af 22 starfs-
mönnum á skrifstofunni er einn íslendingur, Ólafur Pétursson hagfræðingur,
sem er ritari samgöngunefndar Norðurlandaráðs. Friðjón Sigurðsson er rit-
ari islandsdeildar ráðsins og á jafnframt sæti í ritaranefnd þess. Fulltrúar
íslands í Norðurlandaráði 1976 voru: Ásgeir Bjarnason, Gylfi Þ. Gíslason, Jón
Skaftason, Magnús Kjartansson, Ragnhildur Helgadóttir og Sverrir Hermans-
son. Varamenn voru: Axel Jónsson, Eggert G. Þorsteinsson, Gils Guðmunds-
son, Halldór Ásgrímsson, Jón Helgason og Sigurlaug Bjarnadóttir. í Nordiska
samarbetsorgan eru taldar 8 nefndir Norðurlandaráðs, þ. á m. laganefnd.
Ásgeir Bjarnason á sæti í henni af islands hálfu og er varaformaður. I bók-
inni segir, að sérstakir tengslamenn starfi í ráðuneytum og ríkisstofnunum
á Norðurlöndum til að greiða fyrir samstarfi ráðsins og stjórnsýslustofnana.
Ráðuneytisstjórar hér á landi eru tengslamenn og deildarstjórar þeim til að-
stoðar í 2 ráðuneytum. Engir tengslamenn eru í öðrum ríkisstofnunum hér
á landi, enda er það sjaldgæft annars staðar.
191