Tímarit lögfræðinga - 01.11.1977, Blaðsíða 4

t
AXEL V. TULINIUS
Axel V. Tulinius fyrrverandi sýslumaður lést í
Reykjavík af afleiðingum hjartaáfalls 22. nóv-
ember 1976. Hann var fæddur í Reykjavík 4.
apríl 1918. Voru foreldrar hans hjónin Hall-
grímur A. Tulinius stórkaupmaður og fyrri kona
hans Hrefna Lárusdóttir, skókaupmanns Lúð-
víkssonar.
Axel lauk stúdentsprófi frá Menntaskólanum í
Reykjavík vorið 1936 og lögfræðiprófi vorið
1941 með ágætum vitnisburði, enda flugskarpur
og farsæll námsmaður.
Að lögfræðiprófi loknu rak hann um fjögurra
ára skeið heildverslun í Reykjavík ásamt föður
sínum.
Árið 1945 gekk hann í þjónustu hins opin-
bera, er hann var skipaður lögreglustjóri og
oddviti í Bolungarvík. Þeim störfum gegndi hann, uns hann var skipaður bæj-
arfógeti í Neskaupstað 1. nóvember 1953. Hann var sýslumaður í Suður-Múla-
sýslu frá 1. júlí 1960 til 1. janúar 1967, en þá gerðist hann fulltrúi við borgar-
fógetaembættið í Reykjavík og starfaði þar til dauðadags.
Axel Tulinius var vinsæll embættismaður, hjálpsamur og greiðvikinn, sem
laðaði að sér fólk með réttsýni sinni og Ijúfmennsku. Hann var vel að sér í
lögfræði og farsæll í lögfræði- og dómsstörfum og jafnan boðinn og búinn
að veita mönnum lögfræðilegar leiðbeiningar, enda mjög umhugað um, að
menn næðu rétti sínum, ekki síst þeir, sem minna máttu sín. Hann var mikill
mannasættir.
Axel Tulinius hafði lifandi áhuga á framfaramálum þeirra byggðarlaga, sem
hann starfaði fyrir, og varð þar fljótlega virkur og leiðandi þátttakandi í
félagsstarfi á fjölmörgum sviðum. Hvar sem hann starfaði, eignaðist hann fjöl-
marga vini og naut óvenjulegra vinsælda fyrir dugnað og alúðlega framkomu.
Þannig var hann strax og hann kom til Bolungarvíkur kosinn í hreppsnefnd
Hólshrepps 1946. Þegar sama ár var hann valinn til framboðs til Alþingis fyrir
Sjálfstæðisflokkinn í Vestur-isafjarðarsýslu gegn Ásgeiri Ásgeirssyni, síðar
forseta Islands, og aftur við Alþingiskosningarnar 1949. Hann var 2. maður á
lista Sjálfstæðisflokksins í Suður-Múlasýslu til Alþingis 1956 og 1959 og síðar
formaður kjördæmisráðs Sjálfstæðisflokksins í Austfjarðakjördæmi, meðan
hann bjó á Eskifirði. Eftir að hann flutti til Reykjavíkur, starfaði hann þar mikið
114