Tímarit lögfræðinga - 01.11.1977, Blaðsíða 8
skipstjóra. Þá ólu þau hjónin upp dótturdóttur sína, Þóru Jónsdóttur, sem var
mikill augasteinn afa síns.
Guðbjörgu, börnum, tengdabörnum og barnabörnum votta ég innilega
samúð mína.
Pétur Már Jónsson.
STURE PETRÉN
Einn fremsti og þekktasti lögfræðingur Sví-
þjóðar, Sture Petrén, andaðist 13. desember
1976. Varð hann bráðkvaddur í Genf í Sviss,
þar sem hann var þá að störfum við eitt af
hinum margvíslegu lögfræðiverkefnum, sem
honum voru falin á alþjóðavettvangi.
Embættisprófi í lögfræði lauk hann áður en
hann hafði náð 21 árs aldri. Að því loknu nam
hann sögu, fagurfræði og tungumál í Freiburg
í Þýskalandi. Áhugamál hans voru þá mörg, og
og fáir vissu, á hvaða sviði hann myndi velja
sér lífsstarf. Hann var einn þeirra fáu sístarfandi
eljumanna, sem virtust hafa nægan tíma iil þess
að sinna öllum þeim málum, er hann fékk áhuga
á. Þessir hæfileikar hans komu og fram í rík-
um mæli í þeim fjölmörgu ábyrgðar- og trún-
aðarstörfum, er honum voru falin á lífsleið hans, ekki aðeins í heimalandi
hans, heldur og á alþjóða vettvangi.
Eftir að Sture Petrén hafði lokið námi, eins og að framan segir, starfaði
hann sem dómari við ýmsa dómstóla í Svíþjóð, þar á meðal við „Arbetsdom-
stolen“ á árunum 1939—1941. Á árinu 1950 var hann skipaður deildarstjóri
í lögfræðideild sænska utanríkisráðuneytisins, og stjórnaði hann þeirri deild
til ársins 1963, fyrstu árin sem sendiráðunautur, en síðar með ambassadors-
tign. Á þessum árum var hann einnig lögfræðilegur ráðunautur sænsku sendi-
nefndarinnar hjá Sameinuðu þjóðunum, eða alls um 12 ára skeið. Árið 1963
var Sture Petrén skipaður í æðsta dómaraembætti í Sviþjóð, sem er forseta-
starfið í Svea Hovrátt. Þann tignarstól sat hann þó aðeins fá ár, því að 1966
var hann kjörinn í Haagdómstólinn, og tók við þeim starfa snemma næsta árs.
Lögfræðistörf Sture Petrén voru ekki öll bundin við heimaland hans. Vegna
þekkingar hans á hinum margvíslegu sviðum lögfræði voru honum falin fjöl-
mörg störf á alþjóðavettvangi. Þannig var hann t.d. dómari í Vinnumáladóm-
stóli Sameinuðu þjóðanna á árunum 1954—1967, og í Mannréttindanefnd
Evrópuráðsins í Strasbourg var hann kjörinn árið 1954. Starfaði hann í þeirri
nefnd til ársins 1967 og var forseti hennar árin 1963—1967. Þá var hann kjör-
inn í mannréttindadómstól Evrópu 1974 og átti þar sæti til dauðadags. Hann
var dómari við fasta alþjóðagerðardóminn í Haag frá 1955. Á árunum 1967—
1976 var Sture Petrén dómari í Alþjóðadómstólnum í Haag, svo sem fyrr er að
vikið.
Auk allra þessara dómstarfa var Sture Petrén oft tilnefndur sérstaklega
118