Tímarit lögfræðinga - 01.07.1978, Blaðsíða 11
Jónatan Þórmundsson, prófessor:
REFSI VIST
EFNISYFIRLIT
I. Inngangur ...................................... bls. 5
II. Stjórn fangelsismála .......................... — 6
III. Refsivistarstofnanir........................... — 8
IV. Tímalengd dæmdrar refsivistar.................. — 11
V. Samanburður á fangelsi og varðhaldi ......... — 13
VI. Fangelsissamfélagið ............................ — 14
VII. Inntak ófrelsis ............................... — 17
VIII. Meðferð fanga og aðbúnaður .................... — 19
IX. Reynslulausn og náðun ..................... — 26
X. Eftirmeðferð................................... — 34
I. INNGANGUR.
Samkvæmt 32. gr. alm. hgl. 19/1940 er refsivist tvenns konar:
fangelsi og varðhald. I hgl. 1869 var refsivist greind í tvo meginflokka:
hegningarvinnu og fangelsi. Var síðan greint á milli tvenns konar hegn-
ingarvinnu, þ.e. tyftunarhúsvinnu og betrunarhúsvinnu, og ferns kon-
ar fangelsis, þ.e. einfalds fangelsis, fangelsis við venjulegt fangavið-
urværi, fangelsis við vatn og brauð og ríkisfangelsis. Fangelsi í gild-
andi lögum svarar nánast til hégningarvinnu og fangelsis við venjulegt
fangaviðurværi, en varðhald til einfalds fangelsis. Vatns- og brauðs-
refsing féll niður, enn fremur svokallað ríkisfangelsi. t stað hins síðara
getur komið varðhaldsvist (custodia honesta), sbr. 96. og 104. gr. hgl.
Sé dæmt í refsivist eftir lögum eldri en alm. hgl. 19/1940, skal breyta
tegundum refsivistar eftir reglum 268. gr. hgl.
Refsivist skal taka út í hegningarhúsi, sem til þess er ætlað, sam-
kvæmt reglum þeim, sem um það skulu settar með reglugerð, sbr.
33. gr. hgl. Um refsivistarstofnanir (fangelsi og vinnuhæli) eru ákvæði
í alm. hgl. (2. mgr. 16. gr. og 43. gr.), en þó einkum í 1. 38/1973, um
fangelsi og vinnuhæli.
5