Tímarit lögfræðinga - 01.12.1979, Blaðsíða 50
Jóhannes Skaftason lektor og
Þorkell Jóhannesson prófessor:
ALKÓHÓL (ETANÓL) í BLÓÐI EFTIR DRYKKJU
ÁFENGIS FASTANDI OG AÐ LOKINNI MÁLTÍÐ
Höfundar þessarar greinar hafa oft undrast, hve lítill greinarmun-
ur er gerður á því, hvort menn neyta áfengis með eða án matar. Virð-
ist svo sem t.d. lögreglumenn, lögmenn og dómarar geri sér ekki ljóst,
að neysla matar getur mjög dregið úr því magni alkóhóls (etanóls),
sem frásogast frá meltingarvegi og inn í blóðbrautina. Er þannig oft
umtalsverður munur á þéttni alkóhóls í blóði einstaklings eftir því,
hvort hann hefur matast með áfengisneyslu eða skömmu áður eða
ekki. Af þessum sökum þykir rétt að gera grein fyrir lítilli tilraun,
sem ætlað er að skýra þetta samhengi nokkru nánar.
Efniviður og aðferðir
Til tilraunarinnar voru valdir fjórir læknastúdentar (nr. 1—4),
er gáfu sig fram. Stúdentar nr. 2 og 3 voru um það bil jafnþungir
(ca. 71 kg). Stúdentar nr. 1 og 4 voru mun þyngri, en voru um það
bil jafnþungir (ca. 98 kg).
Tilraunin var í tvennu lagi. 1 fyrri hluta tilraunarinnar skyldu þeir
drekka tiltekið magn af whisky eða vodka ásamt blöndunarvökva á
fastandi maga. Þeim var leyft að borða venjulegan morgunmat á bil-
inu kl. 8—9 að morgni, en skyldu síðan vera fastandi til kl. 14—14.30
síðdegis, er tilraun hófst. I seinni hluta tilraunarinnar, sem fram fór
nokkrum vikum síðar, skyldu þátttakendur neyta máltíðar á bilinu
12—13 í matsal Landspítalans eða um það bil 2 klst. áður en tilraun
hófst. Stúdentarnir voru teknir saman í tilraun tveir í senn. Aðaluppi-
staða í þeirri máltíð, er tveir þeirra neyttu í matsal Landspítalans, var
hrognkelsi, en steikt lifur í þeirri máltíð, er hinir tveir neyttu þar.
Keypt var whisky og vodka í Á.T.V.R. Tveir stúdentar (nr. 3 og 4)
206