Tímarit lögfræðinga - 01.12.1979, Blaðsíða 60
hiyggnum og sléttum suðaustur af landinu. Svo sem áður er sagt eru
hugsanleg mörk lögsögu okkar þar allt að 350 sjómílur. Við vitum
enn allt of lítið um jarðfræði og auðlindamöguleika þessa svæðis. Því
er fyllilega tímabært að hefja þar þegar þær kannanir, bæði jarðfræði-
legar og lögfræðilegar, sem gætu orðið grundvöllur réttinda okkar
þar á næstu árum.
(Grein þessi birtist upphaflega í Morgunblaðinu 15. ágúst síðastliðinn).
MÁLÞING DÓMARAFÉLAGS ÍSLANDS 1979
Laugardaginn 19. maí s.l. var haldið málþing í Lögbergi á vegum Dómara-
félags Islands um dómstólaskipunina og hugmyndir um breytingar.
Formaður félagsins dr. Ármann Snævarr hæstaréttardómari setti þingið
kl. 10. og kynnti fyrsta frummælanda Mogens Hornslet dómara við 0stre
Landsret í Danmörku. Hornslet flutti síðan ítarlegan fyrirlestur um dönsku dóm-
stólaskipunina og hugmyndir um breytingar á henni. Máli hins danska dómara
var afar vel tekið, en til glöggvunar og frekari skýringar léí hann dreifa meðal
þátttakenda 6 fylgiskjölum, sem innihéldu nokkur aðalatriði danskra laga um
dómstólaskipunina og svið dómstólanna hvers um sig.
Tók nú við stjórn Hrafn Bragason borgardómari, en næstur tók til máls Björn
Sveinbjörnsson hæstaréttardómari, formaður réttarfarsnefndar. Hann ræddi
um frumvörp þau, sem nefndin hefur samið og miða að breytingum á dómstóla-
skipuninni og réttarfarslögum. Eftir inngangsorð sín fjallaði Björn ítarlega um
hugmyndir þær sem lögréttufrumvarpið er byggt á svo og reifaði hann helstu
nýmæli í frumvarpinu. Að lokum lýsti hann viðtökum þeim sem lögréttufrum-
varpið hefði fengið og horfum um framgang þess.
Þá tók til máls Magnús Thoroddsen borgardómari. Megin atriðið í máli hans
var það, að menn skyldu varast að hrapa að breytingum á dómstólaskipuninni.
Lýsti hann andstöðu sinni við lögréttuhugmyndina og færði rök fyrir þeirri
afstöðu sinni. Magnús endaði mál sitt með að ræða hugmyndir sínar um ýmsar
lagfæringar og breytingar á núverandi dómstólaskipan.
Síðastur frummælenda var Böðvar Bragason sýslumaður. Ræddi hann I
byrjun þær tvær megin forsendur, sem réttarfarsnefnd hefði haft að leiðar-
Ijósi við frumvarpasmíð sína, þ.e. greiðari meðferð dómsmála og frekari að-
216