Tímarit lögfræðinga - 01.12.1980, Blaðsíða 9
hér heima. Vel hefði þó komið til greina, að hann hefði snúið sér að verk-
efnum erlendis. Enn höfum við íslendingar ekki átt mann í aðalforstjórasæti
hjá stórri alþjóðastofnun. Jóhann hefði getað orðið fyrstur til að taka slíkt
embætti að sér, þar sem bæði þarf stjórnmálareynslu í heimalandinu og
erlendis og góða hæfileika til að átta sig á mönnum og málefnum í brot-
hættu samstarfi.
Jóhann Hafstein var einn þeirra, sem mótuðu sögu lands okkar, meðan
hann starfaði. Margir minnast hans einnig vegna persónulegra kynna, —
sem leiðbeinanda, velgerðarmanns, félaga og vinar. Þær minningar eru
bjartar, tengdar virðingu og þakklæti.
Þór Vilhjálmsson.
STEFÁN JÓHANN STEFÁNSSON
Stefán Jóhann Stefánsson andaðist 20. októ-
ber s.l., 86 ára að aldri. Hann fæddist á Dag-
verðareyri við Eyjafjörð 20. júlí 1894, og voru
foreldrar hans þau hjónin Stefán Ágúst Odds-
son bóndi og Ólöf Árnadóttir. Bjó Stefán Jó-
hann við þröngan kost æskuárin og kynntist
þá lífsbaráttu alþýðufólks af eigin raun. Hugur
hans stefndi til menntunar, og með þrautseigju
og staðfestu braust hann áfram menntaveginn
og lauk stúdentsprófi 1918 við Menntaskólann
í Reykjavík. Hann innritaöist síðan í lögfræði-
deild Háskóla islands og lauk þaðan prófi með
fyrstu einkunn 1922. Á háskólaárum sínum
vann hann með námi hjá bæjarfógetanum í
Reykjavik, en varð síðan fulltrúi á málaflutn-
ingsskrifstofu Jóns Ásbjörnssonar og Svein-
bjarnar Jónssonar. Haustið 1925 stofnaði hann málaflutningsskrifstofu með
Ásgeiri Guðmundssyni frá Nesi og varð hæstaréttarlögmaður vorið 1926. Ás-
geir andaðist 1935, og varð þá Guðmundur í. Guðmundsson meðeigandi og
starfsfélagi Stefáns. Á árinu 1945 hættu þeir félagar málaflutningsstörfum,
og gerðist Stefán þá forstjóri Brunabótafélags íslands, en við skrifstofu þeirra
tók Sigurgeir Sigurjónsson hæstaréttarlögmaður. Forstjórastörfum við Bruna-
bótafélagið gegndi Stefán til ársins 1957, er hann var skipaður sendiherra
íslands í Danmörku. Lausn frá því starfi fékk hann vorið 1965 vegna aldurs.
Snemma hneigðist hugur Stefáns til stjórnmála, og hallaðist hann að jafn-
aðarstefnunni og gekk í Alþýðuflokkinn tveimur árum eftir stofnun hans.
Hann varð formaður Alþýðuflokksins og jafnframt Alþýðusambandsins á ár-
inu 1938. Stefán tók við forystu I Alþýðuflokknum á einhverju erfiðasta tíma-
bili í sögu flokksins, þar sem klofningur hafði orðið í hans röðum. Auk þess
steðjuðu miklir efnahagserfiðleikar að hér á landi og ári síðar braust seinni
heimsstyrjöldin út. Það voru því mörg og viðkvæm mál, sem Stefán þurfti
203