Tímarit lögfræðinga - 01.09.1981, Blaðsíða 54

Ávíð
02 dreif
NOKKUR ORÐ UM DRÖG AÐ FRUMVARPI TIL LAGA
UM LÖGFRÆÐIAÐSTOÐ HERLENDIS
i.
Öðru hvoru hafa komið fram hér á landi bæði í ræðu og riti hugmyndir
um löggjöf varðandi lögfræðilega aðstoð við almenning.
Árið 1959 flutti Hákon Guðmundsson erindi á aðalfundi Orators, sem m.a.
fjallaði um þetta efni. (Nokkur orð um gjafasókn og ókeypis lögfræðiaðstoð
við almenning: Úlfljótur, 4. tbl. XII. árg., bls. 3-13). Árið 1973 ritaði Gunnar
Eydal grein um efnið (Lögfræðiaðstoð án endurgjalds, Tímarit lögfræðinga,
4. h. 23. árg. bls. 10-21) og að sama efni er vikið í grein eftir Guðjón Stein-
grímsson árið 1977 (Ókeypis lögfræðiaðstoð: Timarit lögfræðinga, 4. h. 27.
árg., bls. 165-167).Loks birtist í „Auðarbók Auðuns“, sem út kom í júní á
þessu ári, grein eftir Ingibjörgu Rafnar hdl. um þetta mál (Réttarhjálþ án
endurgjalds). Höfundar þessara greina telja allir lagasetningu um þetta
efni hérlendis a.m.k. æskilega.
Á Alþingi árið 1974 fluttu Svava Jakobsdóttir og Ragnar Arnalds svohljóð-
andi þingsályktunartillögu um lögfræðiþjónustu fyrir efnalítið fólk: „Alþingi
ályktar að fela dómsmálaráðherra að sjá til þess, að komið verði á fót lög-
fræðiþjónustu fyrir efnalítið fólk óháðri gjaldskrá Lögmannafélags islands".
Til er óprentuð greinargerð frá árinu 1978 eftir Ragnar Aðalsteinsson og
Gunnar Eydal, þar sem ýtarlega er fjallað um þetta efni og m.a. greint frá
réttarreglum í ýmsum löndum.
Þann 24. október 1978 skipaði Steingrímur Hermannsson, dómsmálaráð-
herra nefnd „til þess að huga að lagareglum um ókeypis lögfræðiþjónustu
fyrir efnalítið fólk ... i nefndinni áttu sæti Björn Þ. Guðmundsson, Guðjón
Steingrímsson, Magnús Thoroddsen, Ólöf Pétursdóttir og Eiríkur Tómasson,
sem var skipaður formaður. Nefndin skilaði áliti sinu 27. apríl 1979 og
fylgdi því drög að frv. til laga um lögfræðiaðstoð ásamt drögum að reglugerð.
Á þingi Dómarafélags íslands 9. nóvember 1979 flutti undirritaður erindi
um þetta efni. Þar var fjallað almennt um hugtakið ,,lögfræðiaðstoð“, um
rök fyrir lagasetningu um slíka aðstoð, um erlendar réttarreglur um þetta
efni og loks um framangreind frumvarps- og reglugerðardrög.
Þar sem frv. um þetta efni hefur ekki verið lagt fram á Alþingi og drög
umræddrar nefndar fáum aðgengileg þykir réttlætanlegt að birta þetta
greinarkorn málinu til kynningar. Með vísan til þess, að í rituðu máli er
töluvert að finna um efnið almennt, svo sem greint hefur verið frá, verður
hér að mestu látið við það sitja að reifa efni nefndra frumvarps- og reglu-
gerðardraga.
104