Tímarit lögfræðinga - 01.11.1981, Blaðsíða 47

Á ví<>
oií dreif
10. ALÞJÓÐAÞING LÖGFRÆÐINGA
Dagana 16.-21. ágúst sl. var 10. alþjóðaþing lögfræðinga haldið í fjölmenn-
ustu borg Suður-Ameríku, Sao Paulo í Brasilíu. Að þinginu standa frjáls
samtök, „World Peace Through Law Center“. í því eru dómarar, lögmenn,
lagaprófessorar og aðrir lögfræðingar í 148 þjóðlöndum um heim allan. Fyrsta
þingið var háð ( Aþenu 1963. Lítil þátttaka var að hálfu íslenskra lögfræðinga
fyrstu árin. En í Washington 1975, Manila á Filippseyjum 1977, í Madrid 1979
og nú í Sao Paulo voru íslenskir lögfræðingar, nú lögmennirnir Páll S. Pálsson,
dr. Gunnlaugur Þórðarson og Sigurður Georgsson. Þeir nutu til þess nokkurs
styrks frá Lögmannafélagi íslands. Þingið sátu um 1600 lögfræðingar, og ríkti
almennari áhugi á þessu þingi en nokkru sinni hefur fyrr verið á slíkum þing-
um, á sameiginlegri lausn ýmissa vandamála eftir lögfræðilegum leiðum.
Meðal málaflokka, sem teknir voru fyrir á þinginu má nefna: Ný alþjóðleg
skipun efnahagsmála. Réttindi og skyldur alþjóðlegra fyrirtækja. Lögfræði-
aðstoð við efnalítið fólk. Flugréttur. Endurbætur laganáms. Lög um um-
hverfisvernd. Hafrétturinn. Tjáningarfrelsi og forgangshömlur. Alþjóðleg skatta-
mál. Lög og tækni. Alþjóðleg verndun mannréttinda. Fjárfesting milli landa í
fasteignum. Bann gegn notkun kjarnorkuvopna í Suður-Ameríku. Félagsfræð-
in, sakamálafræðin og löggjafinn. Sifjalög og skipan sifjamála. Einstaklings-
eignir. Orkulög. Alþjóðleg heilbrigðislög. Gerðardómur í deilum vegna alþjóð-
legra samninga. Utanríkisverslun og fjárfesting. Lög um ferðir og samgöngur.
Páll S. Pálsson tók til máls undir dagskrárliðnum ,,Orkulög“. Skýrði hann
frá sérstöðu íslands í orkumálum með tilliti til náttúruauðæfa landsins og
mikillar óbeislaðrar orku.
Þá voru að venju haldin sýniréttarhöld í alþjóðadómstólnum, að þessu sinni
undir forsæti dr. Ernst Benda, forseta Hæstaréttar Vestur-Þýskalands. Málið
fjallaði um ábyrgð á tjóni af völdum kjarnorkuvopna.
Þingið samþykkti miklar og ítarlegar ályktanir í áðurnefndum málaflokkum
og fleirum og lét frá sér fara ávarp, mjög skorinort. Er ávarpið þirt hér á eftir:
Undir lok ráðstefnunnar hélt formaður samtakanna, World Peace Through
Law Center, Charles S. Ryhne, fund með landsformönnum allra þeirra landa,
sem áttu fulltrúa á ráðstefnunni. Þar var meðal annars ákveðið að stefna að
því eftir mætti að XI. alþjóðaráðstefna lögfræðinga yrði í Peking 1983, XII.
alþjóðaráðstefnan í Vestur-Berlín 1985 og sú XIII. í einhverju Afríkuríkinu á
árinu 1987. Landsformaður samtakanna hérlendis er undirritaður og veitir
hann upplýsingar um samtökin.
Það þótti tíðindum sæta, að á þinginu var í fyrsta sinn stofnað til alþjóða-
samtaka saksóknara. pá„ s_ pá(sson
161