Tímarit lögfræðinga - 01.09.1982, Blaðsíða 29
Dr. Gunnlaugur Þórðarson hrl.:
ALÞJÓÐAFRIÐARHREYFING LÖGFRÆÐINGA OG
HEIMSMÓT LÖFGRÆÐINGA í SAO PAULO 1981
Eins og áður hefur verið sagt frá í Tímariti lögfræðinga efndu
samtökin World Peace Through Law Center eða „Heimsfriður tryggð-
ur með lögum“ til ráðstefnu í Sao Paulo í Brasilíu 16.-21. ágúst 1981.
Höfundur þessarar greinar sat ráðstefnuna, og flutti hann í nóvember
og desember á síðasta ári 6 útvarpsþætti um ferðina til Suður-Ameríku.
Er það, sem á eftir fer, byggt á efni hins fyrsta þessara þátta.
World Peace Thorugh Law Center stofnað
Áður en horfið verður að því að segja frá mótinu í Sao Paulo þykir
rétt að fara örfáum oi'ðum um aðdraganda þess, að til samtaka þeirra,
sem hér um ræðir, var stofnað.
Upphaf þess mun vera, að á aðalfundi Lögmannasambands Banda-
ríkjanna í London 1957 skoraði heiðursgestur fundarins, Sir Winston
Churchill, á ameríska lögmenn að láta verndun friðar í heiminum til
sín taka. Hann sagði, að lögfræðingar gætu öðrum fremur stuðlað að
því, að friður héldist, bæði vegna áhrifa sinna á löggjöf þjóða og dóm-
arastörf og vegna hinnar miklu þýðingar þeirra sem mannasætta,
einkum í hinum vestræna heimi. Einnig væru siðferðislegar skyldur
þeirra að þessu leyti meiri en annarra.
Þáverandi formaður ameríska lögmannasambandsins, Charles S.
Rhyne, tók þessari áskorun og gerði varðveislu friðar í heiminum
með lögum að hugsjón sinni upp frá því. Hefur hann hrifið lögfræðinga
um gjörvallan heim með eldmóði sínum. Þegar heim kom, hófst hann
strax handa um að hrinda þeim hugmyndum í framkvæmd, sem hann
fékk við að heyra eggjunarorð hins mikilhæfa stjórnmálamanns, Sir
Winston Churchill. Undirbúningur málsins tók nokkurn tíma, en áform-
1) Sjá grein Páls S. Pálssonar hrl. í 3. hefti TL 1981 bls. 161 og „Yfirlýsingu Sao
Paulo“ í sama hefti bls. 162-4.