Tímarit lögfræðinga - 01.10.1983, Blaðsíða 7
JÓN EDWALD RAGNARSSON
Þann 10. júní sl. andaðist Jón E. Ragnarsson
hrl. að heimili sínu. Hann var fæddur 24. des-
ember 1936, sonur Matthildar Edwaldínu Ed-
wald, dóttur Jóns Edwald á ísafirði. Var móðir
Jóns í daglegu tali nefnd ína Edwald. Faðir
hans var Agnar Norðfjörð hagfræðingur, sem
rak kaupsýslu í Reykjavík til dauðadags 19.
janúar 1982. ína Edwald giftist Ragnari H. B.
Kristinssyni forstjóra árið 1940, en hann ætt-
leiddi Jón og kenndi Jón sig við kjörföður sinn.
Jón ólst upp á heimili móður sinnar og kjör-
föður að Frakkastig 12, og var það heimili mjög
rómað að myndarskap og gestrisni. Áttu
æskufélagar Jóns þar margar og eftirminnileg-
ar ánægjustundir enda varð Jón fljótt vinmarg-
ur, og var vinahópur hans ærið margvíslegur,
þótt skólafélagar væru þar í meirihluta. Jón var einn vetur í Menntaskólanum
á Akureyri en stundaði menntaskólanám að öðru leyti í MR og lauk þaðan
stúdentsprófi vorið 1957. Honum sóttist námið vel miðað við, að hann var
ónískur á tíma sinn og tók á þessum árum mikinn þátt í félagslífi, m.a. lék
hann í Herranótt. Þá las hann heilmikið auk námsbókanna, einkum um þjóð-
félagsmál, og var hann prýðilega lesinn á því sviði.
Að stúdentsprófi loknu settist hann [ lagadeild Háskóla íslands, en jafn-
framt var hann blaðamaður við Morgunblaðið og hafði á hendi ýmis störf
fyrir Sjálfstæðisflokkinn. Þar sem að hann gaf sig auk þess mjög að félags-
málum stúdenta þá þegar og öli háskólaárin, teygðist nokkuð úr laganáminu,
en embættisprófi i lögfræði lauk Jón í janúar 1966 með 1. einkunn. Var í
rauninni merkilegt hvað hann kom mörgu f verk á þessum árum, en Jón var
fljótvirkur og átti gott með að ná tökum á þeim verkefnum, sem honum voru
falin á félagsmálasviðinu. Hann var t.d. formaður Stúdentaráðs eitt kjörtíma-
bil, sat þá jafnframt sem fulltrúi stúdenta í háskólaráði, og ritstjóri Úlfljóts var
hann 1960-61. Frá störfum sínum að félagsmálum stúdenta minntist hann sér-
staklega samvinnunnar við Ármann Snævarr þáverandi prófessor og háskóla-
rektor, sem hann mat þá og æ sfðan ákaflega mikils. Sem ritstjóri Úlfljóts
var hann frumkvöðull að þeirri nýjung að láta Ijósrita torfengna árganga.
Sjálfur ritaði hann lögfræðigreinar í blaðið, en það hefur jafnan talist til und-
antekninga, að laganemar birti eigin ritsmíðar í blaði sínu. Minntist hann alls
þessa með ánægju og hefði ritstjórn og blaðamennska áreiðanlega legið vel
fyrir honum.
Það var einmitt á þessum árum sem leiðir okkar lágu fyrst saman. Var
Jón þá orðinn æfður og snjall fundarmaður. Hér að framan er þess getið, að
Jón lék í Herranótt á menntaskólaárum sínum, og hann kunni ævinlega vel
við sig I sviðsljósinu. Var hann hugmyndaríkur og mælskur í ræðustól og