Tímarit lögfræðinga - 01.11.1985, Blaðsíða 58
Aí vettvangi
(lóinsinála
Páll Sigurðsson dósent:
HÆSTARÉTTARDÓMUR FRÁ 31. MAÍ1985
Þann 31. maí 1985 var í Hæstarétti kveðinn upp dómur í athyglis-
verðu máli varðandi fasteignakaup (mál nr. 187/1983). Er dómur þessi
markverður af ýmsum ástæðum, en í umfjöllun um viðkomandi ágrein-
ingsefni var m.a. tekist á um tiltekin grundvallaratriði í samninga- og
kauparétti og úr þeim skorið með eftirminnilegum hætti. Ætti niður-
staðan að vera tímabær og þörf „lexía“ fyrir þá, sem í atvinnuskyni
sýsla við fasteignaviðskipti sem milligöngumenn milli kaupenda og selj-
enda eða hafa með höndum ráðgjöf á því sviði, og vonandi hafa úrslit
málsins einnig vakið nokkra athýgli meðal almennings. Mál þetta hefur
þó vissulega jafnframt aðrar hliðar, einkum réttarfarslegar, sem miklu
skipta, auk þess sem ýmsir áhugaverðir „fletir“ koma fram í dóms-
úrlausnum í héraði og fyrir Hæstarétti, m.a. sökum þess að Hæstirétt-
ur breytti niðurstöðu héraðsdóms í veigamiklum atriðum, en þó var
Hæstiréttur þríklofinn um niðurstöðu og rökstuðning. Að því er varðar
hina fjármunaréttarlegu hlið málsins, reyndi einkum á túlkun og beit-
ingu meginreglu íslensks réttar um skuldbindingargildi samninga, —
sem ekki á sér beina og almenna lagastoð en er þó almennt viðurkennd
og er auk þess augljós grundvöllur fjölmargra lagaákvæða, — en jafn-
framt var tekist á við beitingu grundvallarreglna um tilboð og sam-
þykki sem þætti í gerð endanlegs kaupsamnings, en þær reglur eru að
nokkru lögfestar, sbr. einkum I. kafla 1. 7/1936 um samningsgerð, um-
boð og ógilda löggerninga.
Tildrög máls þessa eru þau, að í maímánuði 1982 var fasteignasöl-
unni Gimli, Reykjavík, falið að selja 5 herbergja íbúð á 2. hæð í húsinu
nr. 25 við Nóatún, Reykjavík, þinglesna eign BÁ. Hinn 30. júní 1982
gerðu hjónin AG og Sl skriflegt tilboð í eign þessa að fjárhæð kr.
196