Vesturland - 15.05.1962, Blaðsíða 4

Fundur Sjálfstæðismanna
að Uppsölum
IJútíus lii'iniiiiiiihsini I
frá Atliisliiðum I
NOKKUR MINNINGARORÐ
JARÐARFÖR Júlíusar Geirmunds-
sonar frá Atlastöðum fór fram frá
ísafjarðarkirkju s.l. laugardag, en
hann andaðist á Fjórðungssjúkra-
húsinu á Isafirði 6. maí s.l. eftir
stutta sjúkdómslegu.
Júlíus fluttist til ísafjarðar 1946
frá Atlastöðum í Fljótavík, en þar
hafði hann búið um það bil 40 ár.
Hann var fæddur í Stakkadal í
Aðalvík 26. maí 1884 og ólst þar
upp hjá foreldrum sínum Geir-
mundi Guðmundssyni og Sigurlínu
Friðriksdóttur. Árið 1906 kvæntist
hann Guðrúnu Jónsdóttur og sama
ár keypti hann jörðina Atlastaði
og hófu þau iþar búskap og bjuggu
þar til ársins 1946.
Júlíus Geirmundsson var karl-
menni mikið, hann bjó á afskekktri
jörð við erfið skilyrði, stundaði um
árabil sjóróðra frá Aðalvík sam-
hliða búskapnum í Fljótavík og
bar lífsnauðsynjar til heimilisins
á bakinu yfir erfiðan fjallveg. Ó-
talin eru sporin hans á hinum
bratta fjallvegi á milli Látra og
Fljótavíkur, og enginn veit hversu
mörg tonn þessi maður bar. En
hann var sterkur maður til líkama
og sálar og háði sína hörðu lífs-
baráttu á fjallvegi lífsins og bar
sigur af hólmi í hverri orustu.
Ekkert held ég að meira hafi feng-
ið á Júlíus en að yfirgefa jörðina
sína, þegar frá er talin ástvina-
missir. Það hafa verið þung spor,
þegar hann gekk í seinasta sinni
niður í fjöruna í Fljótavík og fór
um borð í bátinn, sem flutti hann
í burtu frá þeim stað, sem hann
hafði starfað og lifað í 40 ár og
séð börn sín vaxa úr grasi og verða
að fulltíða fólki. Þessi þungu spor
þurfti fjöldi Sléttuhreppinga og
Grunnvíkinga að stíga, og þeir
einir, sem það hafa lifað, skilja
hversu erfitt er að yfirgefa heima-
byggð sína og eignir vegna
breyttra þjóðfélagsaðstæðna og
það ætti að verða þjóðfélaginu í
framtíðinni hvatning að láta ekki
fleiri byggðarlög hljóta sömu ör-
lög.
Júlíus Geirmundsson var hetja,
hann barðist ótrauður við ó-
blíð náttúrukjör, stundaði sjó og
búskap jöfnum höndum, var ham-
hleypa við hvert starf. Hann trúði
á lífið og um hann lék blær bjart-
sýni og glaðværðar, sem entist
honum til dauðadags. Hann var
stórbrotinn persónuleiki, en innst
inni var hann viðkvæmur maður.
Svo viðkvæmur, að eftir að hann
flutti frá Atlastöðum til ísafjarð-
ar, fór hann aldrei norður. Hann
vissi að það yrði ofraun að sjá
jörð sína í eyði, en það þoldi þetta
karlmenni ekki að horfa upp á.
Þau hjónin Guðrún og Júlíus
STUÐNINGSMENN D-listans á
Isafirði héldu fund að Uppsölum s.
1. fimmtudag. Fundurinn var vel
sóttur og tókst með ágætum í alla
staði.
1 síðasta tölublaði Vesturlands
var lítillega minnst á fundinn, en
blaðið var fullbúið til prentunar
áður en honum var lokið. Það er
auðséð á Skutli, að þeir aðstand-
endur H-listans eru óánægðir með
það, hve fundurinn tókst vel. Þó
að nú sé farið að líða að kosning-
um hafa Skutulskennararnir enn
þá ekki treyst sér til þess að boða
til fundar í félögum Alþýðuflokks-
ins. Þess vegna eru þeir gramir
yfir því hve fundur sjálfstæðisfé-
laganna tókst vel. Á sama tíma og
sjálfstæðismenn koma saman og
ræða bæjarmálin láta kratarnir
reka á Hornvíkinni og gera sér þaö
eitt til dundurs, að reyna að ó-
frægja það fólk, sem skipar sér
undir merki Sjálfstæðisflokksins.
Óskhyggja þeirra um lélega fund-
arsókn hjá sjálfstæðismönnum
fær ekki staðizt. Eigendur Alþýðu-
hússins, verkamenn og sjómenn
hér í bæ, þakka ekki málpípum
vinstri flokkanna fyrir það, að
nota Alþýðuhúsið í ófrægingarher-
ferð sinni á hendur andstæðing-
anna.
eignuðust 12 börn, sem öll komust
til fullorðinsára, og eru 10 þeirra á
lifi. Þrír synir þeirra eru búsettir
hér vestra: Geirmundur í Hnífs-
dal, Jóhann og Þórður hér á ísa-
firði.
Guðrún kona Júlíusar andaðist
24. marz 1951 og eftir það var
Júlíus meira einmana en hann
sjálfur vildi vera láta.
Með honum er til moldar fall-
inn einn hinna sterku stofna, sem
báru svipmót hinna gömlu vest-
firsku garpa. Svipmót þeirra, störf
og hörð lífsbarátta er geymd í
huga okkar allra. Júlíus Geir-
mundsson lifði mikla umbrota- og
framfaratíma, hann lifði ólík tíma-
bil og kunni vel að meta þau hvert
á sína vísu með kostum og göllum.
Ég óska honum góðrar líðunar
í hans nýju heimkynnum og þakka
honum góð kynni.
Blessuð sé minning Júlíusar
Geirmundssonar.
M. Bj.
Hér á eftir fer inntak úr ræðum
frummælendanna á fundi sjálf-
stæðisfélagana:
Kjartan J. Jóhannsson:
Kjartan bað menn að minnast
þess, sem áunnizt hefði á undan-
förnum árum og að haía það í
huga, að Sjálfstæðisflokkurinn
væri nú langstærsti stjórnmála-
flokkurinn í bænum og honum
væri alltaf að aukast fylgi á sama
tíma og fylgi andstæðinganna
færi þverrandi.
Það er óttinn við styrk Sjálf-
stæðisflokksins, sem kemur and-
stæðingunum til að bjóða fram
sameiginlegan lista að áeggjan
kommúnista. Kratamir á ísafirði
hafa aldrei hugsað hátt. Þeir
lögðust á móti dýpkun Sundanna
á sínum tíma og töldu, að það
gæti ekki gerzt í tíð núlifandi
manna. Þeir voru á móti byggingu
flugvallar hér vegna þess að þeir
álitu að verkið yrði of dýrt. Nú
hæla þeir sér iaf því að þessum
framkvæmdum er lokið á kjörtíma-
bilinu, en gleyma að geta þess,
hvað þeir hafa tafið verkið um
mörg ár.
Högn Þórðarson:
Högni ræddi bæjarmálin al-
mennt. Hann drap meðal annars á
samstarfið hjá meirihluta bæjar-
stjómar og óheilindin, sem þar eru
ríkjandi. Bæjarstjórinn, sem nú er
er og verður dragbítur á fram-
kvæmdir í bænum. 1 lok ræðu
sinnar hvatti Högni menn til bjart-
sýni á framtíð ísafjarðar, og hvatti
menn til samstilltra átaka í bæjar-
málunum í framtíðinni.
Einar B. Ingvarssan:
Einar bað menn gera sér fulla
grein fyrir þeim málum, sem lögð
væru fyrir bæjarstjórn hverju
sinni. Hann rakti gang ýmissa
mála, sem komið hafa til umræðu
hér, og hvernig núverandi bæjar-
stjórnarmeirihluti hafði tekið á
þeim málum.
Kristján Jónsson:
Kristján gerði að umræðuefni
viðhorf andstæðinganna til þeirra
kosninganna. Hann hvatti menn
til sameiginlegra átaka um þau
mál, sem sjálfstæðismenn hafa
fram borið, en hafa það í huga að
harðvítugur stéttarígur og skefja-
laus stjórnmálabarátta gætu leitt
til hins verra.
1 lok ræðu sinnar hvatti Krist-
ján menn itil þess að gera sigur
sj'álfstæðismanna sem mestan í
kosningunum, sem framundan
væru.
Samúel Jónsson:
Samúel gerið að umræðuefni
bandalag vinstri flokkanna, —
endurvakið „hræðslubandalag".
Hann benti á það, að þetta banda-
lag hafi verið stofnað í þeim til-
gangi einum að læða einum komm-
únista inn í bæjarstjórnina, sem
ekki hefði náð kjöri af sjálfsdáð-
um.
Hann ræddi síðan kosningamar
og bað menn hafa það í huga, að
trúin á framtíð bæjarins byggist
á því, iað fela þeim mönnum for-
ystu ihans, sem hafa viljann til að
búa í haginn fyrir íbúana.
Marsellíus Bemharðsson:
Marsellíus gerði að umræðuefni
ýmsar framkvæmdir á vegum bæj-
arfélagsins. Hann ræddi sérstak-
lega byggingar- og skipulagsmál
og framkvæmdir við hafnargerð-
ina og sýndi fram á að þar gengi
allt á tréfótum. í ræðu sinni drap
Marsellíus m.a. á hitaveitumálið,
sem var til umræðu hér fyrir all-
mörgum árum, en kratarnir svæfðu
á sínum tíma. Þá kom hann með
hugmynd um byggingu sorpeyð-
ingarstöðvar hér, byggingu sjó-
mannastofu og fleiri mál, sem hag
bæjarfólagsins varða.
Matthías Bjarnason:
1 upphafi ræðu sinnar gerði
Matthías að umræðuefni þau mál,
sem bæjarstjórnarmeirihlutinn
hefur þyrlað upp mestu ryki um
nú í sambandi við kosningarnar.
Hann benti á óheilindi þeirra
manna, sem nú skipa meirihluta
bæjarstjórnar. Þeim dettur aldrei
neitt í hug nema fyrir kosningar.
Matthías drap ennfremur á
framkvæmdirnar við hafnargerð-
ina og hvemig haldið hafi verið á
þeim málum á undanförnum árum.
Þar hefur ekkert verið fram-
kvæmt, en nú fáum dögum fyrir
kosningar er hafizt handa og feng-
inn krani til þess að vinna við
höfnina og íþróttavöllinn.
Þá brá Matthías upp mynd af
því hvernig fylgi vinstri flokkanna
hefur farið minnkandi á meðan
fylgi Sjálfstæðisflokksins hefur
íarið vaxandi, og ræddi ennfrem-
ur um atvinnu- og húsnæðismálin.
Einnig ræddi hann ýtarlega um
fólksflóttann úr bænum, orsakir
hans og leiðir til þess að stöðva
þessa óheillaþróun.
í lok ræðu sinnar hvatti hann
menn til baráttu fyrir málefnum
Sjálfstæðisflokksins og til að
vinna vel að þeim málum, sem
sjálfstæðismenn hafa barizt fyrir
í bæjarstjórninni á undanfömum
árum.