Morgunn

						18                                      MORGUNN

ing, hvernig það sé, komin verulega á dagskrá, en t. d.

þegar Gr. P. var að sanna sig, var aðalatriðið þetta, hvort

nokkurt annað líf væri til, en síður hitt, hvernig því væri

háttað. En nú er uin að gera að fá sem beztar frásagnir,

athuga þær, bera saman og gagnrýna, og mun þá senni-

lega ýmislegt verða ljóst, sem nú er í þoku hulið og

óvíst. Hefir próf. Hyslop t. d. mikinn hug á að safna

lýsingum á ástandinu annars heims frá miðlum, sem

ekki eru kunnugir bókmentum spiritismans, né skoðunum

þeim, er þar koma fram, og væntir sér mikils af þeim

rannsóknum.

Til eru auðvitað nú þegar margar og miklar lýsingar

handan yfir, og eru þær að mörgu leyti merkilegar, en

erfitt er að vita að svo komnu máli, hve ábyggilegar þær

eru, því að á margan hátt geta villur slæðst inn, þótt

»andinn« sem frá segir, sé í raun og veru framliðinn mað-

ur og vilji segja satt. Um þær helztu lýsingar, sem eg

hefi séð, vil eg segja, eins og sálarrannsóknamaðurinn J.

Arthur Hill, að eitthvað því um líkt er sennilega satt,

þótt sumir hneykslist á þeim. En eg hygg, að próf. Hys-

Jop hafi rétt að mæla, er hann segir: »Aðalhöggstaður-

inn á þeim mönnum, sem standa gegn sálarrannsóknun-

um af trúarlegum eða skáldlegum ástæðum, er sá, að þeir

tiltaka fyrirfram, hvernig sá annar heimur eigi að vera,

sem þeir vilji trúa á. Þeir krefjast einhvers i áttina að

platónsku samsæti til þess að geta verið hamingjusamir,

eða þeir þykjast þurfa þess, þó að nautnir þeirra sé i

raun og veru 'cocktail*1) og vindillc

En aðalatriðið er heldur ekki það, livort lýsingarnar

á umhverfinu í öðrum heimi eru meira eða minna réttar

enn sem komið er, eða hvort »sviðunumc er þennan veg

eða hinn fyrir komið, eða hver er tala þeirra. Búast má

við, að mörgu sé ábótavant enn, eins og jafnan er lengi

fram eftir, þegar um nýjar rannsóknir er að ræða.   Aðal-

',)   Einskonar áfengisblanda.