Morgunn

						Nokkur atriði úr utanför minni.

Erindi, eftir  Einar  H. Kvaran.

II.

Eg sagði frá nokkurum atriðum úr utanför minni í S. R.

F. í. á síðastliðnu hausti, og það erindi hefir verið prentað í

Morgni. Eg er að hugsa um að segja ykkur frá öðrum atriðum,

sérstaklega sem snerta dulrœnar lækningar. Eg vona, þið lítið

ekki svo á, sem eg vilji fylla ykkur með neinni hjátrú. Vafa-

laust vefst mikið af hjátrú víða inn í þessar lækningar. En

það er staðreynd, sem eg hygg að ekki verði mótmælt, að þær

gerast stundum, og meira að segja að mjög mikið gerist af

þeim. Eg hefi aldrei getað skilið, að það sé neitt ísjárvert, að

kynna sér staðreyndir tilverunnar og tala um þær — hvort

sem menn geta skýrt þœr að fullu eða ekki. Eg get ekki sagt

ykkur nú frá öllu, sem eg fékk að vita um þetta efni í ferð-

inni, verð að láta mér nœgja að drepa á einstök dœmi.

Eg er að hugsa um að byrja vestur á Kyrrahafsströnd,

mjög sunnarlega, eitthvað 150 mílur frá landamærum Mexico,

í borginni Los Angeles. I þessum unga, fagra og auðuga bæ,

sem er orðinn mesta borgin á Kyrrahafsströndinni, með eitt-

hvað á 2. miljón íbúa, eru miklar andlegar hræringar af ýmsu

tæi. Þar eru meðal annars aðalstöðvar spíritistanna á vestur-

ströndinni, með mörgum söfnuðum og fjölda af miðlum.

Nafnkendastur sálarrannsóknamaðurinn og spíritistinn í

Los Angeles er víst Dr. Austin. Hann er mælskumaður með

afbrigðum og hefir óbifanlega sannfæring um samband við

annan heim. Hann hefir bókasölu og bókaforlag, gefur út dul-

rænar bækur ýmis konar. Þar á meðal er tímaritið „Reason",

sem er alveg spíritistiskt og hann er ritstjóri fyrir. Þegar fyrst

fara sögur af honum, var hann prestur í kirkjufélagi medódista

í Ontario í Canada. Meðan hann var í þeirri stöðu, sannfærðist

8