Morgunn - 01.12.1957, Blaðsíða 22
Allan Kardec
og spíritisminn í kaþólskum löndum
★
Næsta athyglisvert er, að spíritisminn hefir fengið tals-
vert annan blæ í rómversk-kaþólskum löndum en tíðast er
í löndum mótmælenda. Með rómönskum þjóðum hefir hann
í ríkum mæli orðið að spíritísk-trúarlegri heimspeki, en
lengst af verið lögð á það minni stund, að rannsaka fyrir-
brigðin og láta hlutrænar staðreyndir sjálfar tala. Þetta
kann að nokkuru að liggja í hugmyndaheimi rómönsku
þjóðanna, sem að mestu leyti eru rómversk-kaþólskar, trú-
arlífi þeirra og tilfinningalífi manna í suðlægari löndum,
en að verulegu leyti má rekja orsakir þessa til frumherja
spíritismans í Frakklandi, Allan Kardecs, og þess hvemig
hann mótaði stefnuna. En hann var langsamlega áhrifa-
ríkasti boðberi spíritismans í suðlægari löndum Evrópu
og Ameríku.
Bæði í föðurlandi hans, Frakklandi, og í Brasilíu, þar
sem spíritisminn í þeirri mynd, sem Allan Kardec gaf
honum, er voldugur, var þess minnzt með hátíðahöldum
18. apríl s.l., að þá voru liðin 100 ár frá því er höfuðrit
Kardecs, Bók andanna (Le Livre des Esprits) kom út. Og
víða um lönd hefir þessa gáfaða og merka manns verið
minnzt á þessu ári, og einnig þar, sem menn eru ekki á
einu máli með honum um þá stefnu innan spíritismans,
sem hann mótaði. Það er því rétt og skylt, að MORGUNN
minnist Allan Kardecs að nokkru, enda mun lesendum
flestum lítið kunnugt um hann og starf hans.
Hann hét réttu nafni Hypolyte Leon Denizard Rivail,
og fæddist 3. okt. 1804 í borginni Lyon í Frakklandi, en