19. júní

						KENNSLUMALUM

Sigríði önnu Valdimarsdóttur var falið að sjá

um þáttinn og Pálína Jónsdóttir B.A. fengin til að

taka viðtölin.

BRUÐULEIKHUS

Áslaug Friðriksdóttir,

kennari við barnadeild HlíSaskóla.

„Hvar og hvernig hefur þú kynnzt brúðuleik-

húsi og notkun þess við kennslu?"

„Um langan aldur hafa brúðuleikhús verið starf-

rækt í Austurlöndum. Þaðan breiddust þau út til

meginlands Evrópu. 1 slavneskum löndum munu

þau hafa átt miklu fylgi að fagna, en á Norður-

löndum munu þau ekki hafa náð því að flokkast

undir þjóðlega list.

Einhvern tíma hef ég heyrt það, að sagnaþulir

hinna norðlægu landa hafi aðeins þurft að hafa

góða frásagnargáfu til þess að halda áheyrendum

sínum föngnum, meðan vetrarstormar geisuðu úti

fyrir, en þulir sólarlandanna hafi hins vegar orðið

að grípa til ýmissa bragða til þess að halda at-

hygli áheyrenda sinna vakandi, og þess vegna hafi

brúðuleikhúsið orðið til.

Eitt er víst, að brúðuleikhúsið vinnur á bæði

sem list og ekki síður sem kennslutæki.

Min fyrstu kynni af brúðuleikhúsi voru í kvik-

myndahúsi fyrir mörgum árum, síðar sá ég brúðu-

leikhús Jóns E. Guðmundssonar, og undanfarin ár

hefur Margrét Björnsson komið með brúðuleikhús

sitt á jólaskemmtanir í Hlíðaskóla og sýnt börn-

um þar inn í heim ævintýranna. Nú þegar er

þetta brúðuleikhús þekkt í sjónvarpinu.

Sem kennslutæki kynntist ég brúðuleikhúsi hjá

sænskri kennslukonu fyrir um það bil tíu árum

og varð mjög hrifin. En það eru ekki nema sex

eða sjö ár, síðan ég hóf að nota brúður við mína

eigin kennslu."

19. JÚNl

„Hvernig býrðu til brúðurnar?"

„Brúður má búa til á margan hátt og úr ótrú-

legustu hlutum svo sem sokkum, eggjabökkum,

plastflöskum, mjólkurhyrnum, úrblásnum eggjum

og ávöxtum. Sum börn eiga brúður sjálf.

Ég fékk Margréti Björnsson til þess að útbúa

nokkrar brúður, og eru þær eign skólans.

Komið hefur fram nýtt mótunarefni, plastika,

og hefur Margrét, sem er teiknikennari skólans,

reynzt mörgum áhugasömum nemum hjálpleg við

að móta hausa.

Handavirmukennari drengja smíðaði einfalt

brúðuleikhús fyrir skólann."

„Hvert sækir þú efni í sýningarnar? Semja börn-

in sjálf jafnóðum söguþráðinn, eða er hann ákveð-

inn fyrirfram af þér eða börnunum?"

„Ævintýrin vilja verða vinsælust til fanga, og

verður H. C. Andersen gjarnan fyrir valinu og

ýmsar stuttar sögur, sem gott er að segja frá eða

búa til leikrit úr. Annars hef ég oft verið undr-

andi á þvi, hve fljót böm geta verið að semja. Sam-

töl milli tveggja eru mjög vinsæl.

Varla liður sá dagur, að ekki sé beðið um brúð-

urnar.

Það þarf að syngja, segja skrýtlur eða geta gátur.

Umferðarkennsla hefur verið ofarlega á baugi

í vetur, og hefur „Lási lögga", sem er brúða, ver-

ið mér ómetanleg stoð. Yfirleitt sé ég um að skipu-

leggja umferðarþættina.

Ég á það til að bregða mér í gervi sögukonunn-

ar, og eftir svipbrigðum að dæma er ekki eins og

verið sé að tala við stokka og steina."

Framh. á bls. 16.