19. júní

						Elín Ólafsdóttir B.Sc,

kennari við Menntaskólann viS HamrahlíS.

MEIRI RAUNViSINDI I BARNASKOLUM

„Er aðstaða góð til efna- og eðlisfræðikennslu

í menntaskólanum við Hamrahlið?"

„Já, kennarar eru tiltölulega frjálsir í fram-

setningu sinni á námsefninu, töluvert er af

kennslutækjum og það, sem ég tel hvað mikilvæg-

ast, er aðstaðan til verklegrar kennslu."

„Hvernig fer kennslan fram?"

„Hin hefðbundna yfirheyrsla hefur að mestu

verið lögð niður. Kennslan fer fram ýmist í.fyrir-

lestrum eða umræðum milli kennara og bekkjar-

ins eða milli kennara og eins eða fleiri nemenda

í bekknum. Auk þess er æskilegt, að töluverðum

tíma sé varið í verklegar æfingar bæði til að þjálfa

nemendur í ákveðnum vinnubrögðum og eins til

að fá þá til að áiykta út frá athugunum og upp-

götvunum, sem þeir gera sjálfir."

„Finnast þér nemendur hafa næga undirstöðu-

þekkingu?"

„Landsprófsmenntunin veitir nemendum aðeins

takmarkaða undirstöðuþekkingu í efna- og eðlis-

fræði. 1 sumum skólum er kennd eðlisfræði einn

vetur undir landspróf, en í öðrum hafa góðir nem-

endur þó fengið tveggja vetra tilsögn (í öðrum og

þriðja bekk gagnfræðaskólanna)."

„Hve snemma ætti að byrja á eðlis- og efna-

fræðikennslu?"

„Ég tel æskilegt að kynna svolitla efna- og eðl-

isfræði fyrir nemendum þegar á barnaskólastigi.

Almenn náttúrufræði er kennd síðustu þrjú ár

barnaskólanna, og er ekkert því til fyrirstöðu að

flétta jarðfræði, efna- og eðlisfræði inn i náttúru-

fræðikennsluna síðustu tvö árin."

„Hvaða kostir væru því samfara?"

„Barnaskólakennslan yrði nokkurs konar inn-

gangur að gagnfræðaskólakennslunni. Forvitni og

athafnasemi barnanna væri þá beint inn á braut

almennra raungreina."

„Hvað ætti þá að kenna á unglingastiginu?"

„Á unglingastiginu hæfist síðan skipuleg kennsla

í efna- og eðlisfræði jafnhliða dýra-, grasa- og jarð-

fræði. Og hér er mjög mikilvægt, að unglingar

fái að kynnast vísindalegum vinnubrögðum, það

19.  JÚNl

er að segja, að kennslan fari fram með hliðsjón af

verklegum æfingum."

„Hve mikið er nauðsynlegt, að allir læri í eðlis-

cg efnafræði?"

„Þegar velmegun þjóða grundvallast mest á

framgangi tækni og vísinda, tel ég, að allur þorri

almennings eigi að vita einhver deili á eðli raun-

visinda, en auk þess þjálfar verkleg kennsla fólk

í hagnýtum vinnubrögðum.

Á menntaskólastiginu tel ég einnig nauðsynlegt

að kenna öllum nokkuð í stærðfræði og almennum

raungreinum, og mætti það ef til vill verða til að

brúa hið ískyggilega bil, sem myndazt hefur á

milli raunvísinda og hugvísinda í heiminum nú

á tímum."

Helga Mangúsdóttir, frh. af bls. 11:

„Foreldrafræðslu,  —  hvað er kennt þar?"

„Þar veita uppeldisfræðingar, fóstrur og kenn-

arar fræðslu um sálarlíf barna, uppeldi þeirra og

þekkingu á því, er þroskavænlegt er fyrir barnið.

Einnig er foreldrum leiðbeint um annað svo sem

bókaval, leikfangaval, föndur og annað þess konar."

„Og hvað viltu taka fram að lokum?"

„Ef hið opinbera gerir ekkert til að fylla eyðu

þá, sem ég benti á í upphafi samtals okkar, óttast

ég, að sex ára vel greind börn fái ekki tækifæri

til að bæta við þekkingu sína og þroska og séu

þess vegna óþarflega lengi á leikstigi, og fyrir mið-

ur gefin sex ára börn, tel ég, að skólaleikskólinn

verði æskilegasti vettvangurinn þeim til þroska."

13