19. júní - 19.06.1992, Blaðsíða 32

Ragnheiður Runólfsdóttir íþróttamaður ársins 1991:
„Hætti sátt eftir
stórkostlegan tíma“
eftir Vilborgu Davíðsdóttur
„Þetta kom mér ekki á óvart vegna þess
að ég tel að ég hafi átt titilinn skilinn og
ég var mjög ánægð með að það að ég
er kona skyldi ekki standa í vegi fyrir
mér," segir Ragnheiður Runólfsdóttir
sundkona sem fyrr á þessu ári varð önn-
ur íslenskra kvenna til að verða kjörin
íþróttamaður ársins. Kjör íþróttamanns
ársins hefur verið árlegur viðburður síð-
an 1956 og fyrst kvenna til að hljóta
þennan eftirsótta titil var Sigríður Sig-
urðardóttir handknattleikskona sem var
valin íþróttamaður ársins 1964.
„Ég veit ekki hvort kjör mitt hafi kom-
ið fólki á óvart en ég veit hins vegar að
það voru ýmsir sem voru ekki ýkja
ánægðir með að ég skyldi verða fyrir
valinu og töldu að annar íþróttamaður,
karlmaður, hefði frekar átt að fá þennan
titil," segir Ragnheiður. „En þetta er allt-
af svona. íþróttamenn eru skapmenn og
eiga að vera það. Kynjamismunun er
ekki jafn áberandi á meðal íþróttafólks-
ins sjálfs eins og hjá fjölmiðlum og
íþróttasamböndunum. Þar á ég sérstak-
lega við hópíþróttirnar þar sem bæði
kynjum og peningum er haldið aðskild-
um. Fjölmiðlar fjalla sáralítið um leiki
kvennaliða í fótbolta, handbolta og
körfubolta en veita karlaliðunum mikla
athygli. Dæmi um misrétti í úthlutun
peninga er kvennalandsliðið í fótbolta.
Landsliðið var lagt niður í tvö ár en nú,
þegar fótboltakonurnar eru að byrja á
ný, verða þær sjálfar að kaupa á sig
skóna! Þetta er aðeins eitt lítið dæmi af
mörgum og á meðan hugsunarhátturinn
hjá ráðamönnum í sérsamböndunum er
svona er varla hægt að búast við að vel
gangi að bæta árangur íþróttamann-
anna."
Ragnheiður er fædd og uppalin á
Akranesi en segir að hún hafi verið lítið
í heimabænum sínum undanfarinn ára-
tug eða svo. „Ég er óttaleg flökkukind,"
segir hún skellihlæjandi. „Ég hef mjög
gaman af því að ferðast og kynnast nýj-
um stöðum og fólki." Þegar þetta er
skrifað er Ragnheiður farin til Alabama í
Bandaríkjunum til æfinga og náms en
Tæp átján ár liðu þar til kona var kjörin í annað sinn íþróttamaður ársins á íslandi!
„Ég tel ég hafi átt titilinn skilinn," segir sundkonan vinsæla, Ragnheiður Runólfs-
dóttir.
32