11. MARS 2011 FÖSTUDAGUR2 ? mottumars ? karlar og krabbamein Rúnar Sigurðsson bar sigur úr býtum í einstaklings- keppni Mottumars í fyrra. Hann fór þó ekki af stað í keppnina með það markmið. ?Í upphafi setti ég inn mynd af mér á síðuna í rælni og hugsaði ekki um það frekar,? segir Rúnar en bróðir hans var mjög veikur af krabbameini á þessum tíma. ?Hann talaði um hvað ég væri að gera mikið góðverk og þó mér fyndist nú ekki mikið góðverk að safna skeggi óx mér máttur við þetta og ég einsetti mér að tala um málefnið við alla,? segir Rúnar. Þegar bróðir hans dó 9. mars ætlaði hann að gefast upp á keppninni. ?Við vorum svo nánir bræð- urnir og alltaf saman,? segir Rúnar en á svipuðum tíma greindist faðir hans einnig með krabbamein. Stuttu síðar dreymdi hann draum. ?Ég sat í skóla- sal og þar var í gangi keppni í að geta upp á lögum. Allt í einu sat bróðir minn fyrir aftan mig og sagði: ?Þú getur líka tekið þátt.? Í því var spilað lag og ég stóð upp og kallaði að ég vissi svarið,? segir Rúnar sem áttaði sig á því að hann ætti að vera með í Mottu- mars. ?Ég gerði lítið annað en að uppfæra lýsingu mína á síðunni og sagði frá eigin reynslu. Ég var opinn og margir gáfu eitthvað af sér,? lýsir hann og áréttar að tilgangur keppninnar sé að auka umræðuna, peninga- söfnun sé aukaatriði. En hvað gaf keppnin honum sjálfum? ?Ég hafði þarna misst þann sem ég hafði alltaf getað talað við. Meira að segja áður en bróðir minn dó gat ég ekki talað um það við hann hvað mér liði illa yfir því að hann væri veikur. En allt í einu var í lagi fyrir mig að tala um líðan mína og fólk var tilbúið til að hlusta.? Fólk var tilbúið að hlusta ?Ég einsetti mér að tala um málefnið við alla,? segir Rúnar Sig- urðsson, sem sigraði síðast í einstaklingskeppni Mottumars. MYND/VILHELM Rætt við Geir Gunnlaugsson landlækni. Geir Gunnlaugsson tók við embætti landlæknis í byrjun síðasta árs. Í vor stendur til að sameina Land- læknisembættið og Lýðheilsustöð. ?Ég er á þeirri skoðun að við sam- eininguna muni það besta í báðum stofnunum dafna og eflast,? segir Geir. ?Landlæknisembættið á djúp- ar rætur í íslensku samfélagi, enda vorum við að fagna 250 ára af- mæli. Verkefnin nú eru á margan hátt byggð á þeim grunni sem þá var lagður. Lýðheilsustöð er aftur á móti átta ára gömul stofnun og fékk í heimanmund nokkur verkefni sem áður voru á vegum Landlæknis- embættisins, auk nýrra verkefna á sviði lýðheilsu í landinu. Sameiningin gefur okkur því tækifæri til að endurmeta og skipuleggja á ný þau verk- efni sem okkur eru falin af lög- gjafanum. Allt starf hins samein- aða embættis á síðan að miðast við að bæta heilbrigði og lífsgæði fólks á öllum æviskeiðum.? En hver er ávinningurinn af samstarfi við frjáls félagasamtök á heilbrigðissviði, að mati Geirs, og hvernig sér hann það þróast? ?Frjáls félagasamtök eru mikil- væg viðbót við starf opinberra stofnana til að efla heilbrigði og lífsgæði fólks. Þau virkja einstak- linga til að hafa áhrif á sitt nán- asta umhverfi og eru þannig stöðug hvatning fyrir opinberar stofnanir til að gera betur. Það er því mikil- vægt að sameinuð stofnun land- læknis og lýðheilsu haldi áfram að rækta tengsl sín við frjáls félaga- samtök. Starf Krabbameinsfélags Íslands er mikilvægt til að gera góða heilbrigðisþjónustu enn betri og hefur félagið átt gott samstarf við embætti landlæknis á liðnum árum.? Geir var spurður að því hverjir væru helstu veikleikar og styrk- leikar þeirrar þjónustu sem krabbameinssjúklingum stendur nú til boða. ?Ég tel að Íslendingar geti verið stoltir af þeim árangri sem hefur náðst í þjónustu við þá sem grein- ast með krabbamein,? segir land- læknir. ?Lífshorfur hafa aukist á liðnum árum og þjónustan batnað. Ég hef í starfi mínu fundið fyrir miklum metnaði fagfólks sem sinn- ir þeim sem greinast með krabba- mein. Alltaf má þó gera betur, til dæmis bæta aðstöðu þeirra sem eru í virkri lyfjameðferð og aðstand- enda þeirra.? Sagt er að karlmenn séu líklegri til að leita sér seinna lækninga en konur. Hver heldur Geir að sé ástæða þess? ?Væntanlega er helsta skýring- in sú að konur eru í meiri tengslum við heilbrigðisþjónustuna en karl- menn. Þær mæta vel í mæðravernd og oftast eru það konur sem koma síðan með börnin sín í ungbarna- vernd og smábarnavernd og sinna þeim þegar þau veikjast. Þannig kynnast þær betur þeirri þjón- ustu sem í boði er á heilsugæslu- stöðvum,? segir Geir. Gerum góða þjónustu betri ?Ég tel að Íslendingar geti verið stoltir af þeim árangri sem hefur náðst í þjónustu við þá sem greinast með krabbamein,? segir Geir Gunnlaugsson landlæknir. MYND/GVA Nú í mars stendur Krabbameinsfélag Íslands fyrir árvekni- og fjár- öflunarátaki með það að markmiði að efla fræðslu og forvarnir, rann- sóknir og ráðgjöf vegna krabbameina hjá karlmönnum. Í fyrra tókst átakið mjög vel og miðlað var mikilvægum upplýsingum til almenn- ings, auk þess sem við söfnuðum fé sem gerði okkur kleift að takast á við verkefni félagsins af auknum krafti. Við gerum grein fyrir ár- angri átaksins og nýtingu fjárins á heimasíðu félagsins og erum stolt af verkum okkar. Í ár ætlum við að gera enn betur. Mottumars, söfnun yfirvara- skeggs til marks um samstöðu og til áheita, er mikilvægur hluti átaks- ins. Efnt er til liða- og einstaklingskeppni og frést hefur af áhöfnum, sveitarfélögum, fyrirtækjum og alls kyns klúbbum sem ætla að keppa af lífi og sál. Hægt er að tengja saman samkeppni og samstöðu, auk þess sem kímnigáfan er ekki langt undan. Krabbameinsfélag Íslands er sextíu ára í ár. Við ætlum að minnast þeirra tímamóta með margvíslegum hætti og vinna áfram að mark- miðum félagsins í þágu íslensku þjóðarinnar. Við viljum hvetja alla til að taka þátt í marsátakinu okkar og leggja góðu málefni lið, með þeim hætti sem hverjum og einum hentar best. Sigríður Snæbjörnsdóttir, formaður stjórnar Krabbameinsfélags Íslands Ragnheiður Haraldsdóttir, forstjóri Krabbameinsfélags Íslands ALLIR SAMAN NÚ! Sigríður og Ragnheiður hvetja alla til að taka þátt í átakinu. MYND/GVA ? BÓK UM ALGENGASTA MEINIÐ Þeir sem vilja fræðast um al- gengasta krabbamein karla ættu að lesa bókina ?Krabbamein í blöðru- hálskirtli? sem læknarnir Eiríkur Jónsson og Snorri Ingimarsson þýddu úr sænsku og staðfærðu. Í bókinni eru gagnlegar upplýsingar um sjúkdóminn frá mörgum sjónarhornum, meðal annars um greiningu hans og gildi PSA-blóðprófa. Fjallað er um flókinn sjúkdóm á auðskilinn hátt og í bókinni eru margar skýringarmyndir. Bókin kostar 2.880 krónur og er seld hjá Krabbameinsfélagi Íslands, Skógarhlíð 8 og í netverslun félagsins á www.krabb.is. Geisladiskur með málþingi um krabbamein í blöðruhálskirtli fylgir frítt með. Eins má nálgast bókina á almenningsbókasöfnum. Stuðningshópur- inn ?Góðir hálsar? gaf þeim hana í tilefni af 10 ára afmæli sínu en allan þann tíma hafa þeir haft rabbfundi og fræðslufundi fyrsta miðvikudag í hverjum mánuði. Útgefandi: Krabbameinsfélag Íslands Heimilisfang: Skógarhlíð 8, 105 Reykjavík Vefsíða: www.krabb.is og/eða www.karlmennogkrabbamein.is Ritstjóri: Laila Sæunn Pétursdóttir Ábyrgðarmaður: Ragnheiður Haraldsdóttir ÍS LE N SK A S IA .I S S FG 4 20 40 0 4. 20 08
Beinir tenglar
