Vísbending - 09.02.2007, Blaðsíða 3
V í s b e n d i n g • 5 t b l . 2 0 0 7
hvaða þættir skipta viðskiptavininn máli
og hvaða þættir skipta hann litlu eða
engu máli. Þessir þættir, eða öllu heldur
þessar „breytur“, geta t.d. verið verð, útlit,
skemmtun, framleiðni, áreiðanleiki o.s.frv.
Ef tiltekinn þáttur skiptir viðskiptavininn
litlu eða engu máli, t.d. skemmtun í flugi,
er engin ástæða til þess að leggja áherslu
á hann. Þannig má draga úr fjárfestingu í
þessum þætti, t.d. sleppa sjónvarpsskjám í
flugvélum og spara þannig fyrirtækinu fjár
muni. Ef eitthvað skiptir hins vegar miklu
máli fyrir þá viðskiptavini sem horft er til,
snýst leikurinn um að auka fjárfestingu í
þeim þætti. Ef áhersluatriðið væri skemmt
un í flugi væri kjörið að fjárfesta í betri
afþreyingu og hugsanlega ráða trúð eða
bjóða upp á önnur skemmtiatriði.
Það að skoða hvaða þættir skipta máli
og auka fjárfestingu í þeim og öfugt getur
leitt til gjörbreytingar á stefnumótun fyrir
tækis. Á meðfylgjandi mynd eru klassískir
markaðsþættir notaðir sem dæmi en vand
inn er hins vegar að finna þá þætti sem ein
kenna núverandi stöðu fyrirtækis gagnvart
viðskiptavinum. Þetta snýst ekki um að
spara fjármuni eða finna syllur, þetta snýst
um að kortleggja virðismat viðskiptavina.
Hugmyndin um virðisnýsköpun endar
hins vegar ekki hér því að þessi umræða
hefur einungis snúist um að skoða þá virðis
þætti sem eru til staðar og breyta þeim með
því að minnka áherslu á þá eða auka hana.
Kim og Mauborgne leggja einnig áherslu á
að finna nýja þætti sem geta haft virði fyrir
viðskiptavini en hafa ekki verið kynntir til
sögunnar í viðkomandi viðskiptasamhengi.
Þessir þættir eru fundnir með því að horfa
á aðra viðskiptageira, horfa á önnur fyrirtæki
innan sama geira sem fyrirtækið er ekki í
beinni samkeppni við, horfa á virðiskeðju
kaupenda, horfa á stuðningsvörur og þjón
ustu, horfa á notagildi og tilfinningagildi
sem ýmsir þættir hafa fyrir viðskiptavini
eða horfa á hugsanlegar framtíðarsviðs
myndir fyrirtækisins (sjá einnig 42. tbl.
Vísbendingar, 2006). Nýsköpunin felst því
ekki einungis í að gjörbreyta þeirri áherslu
sem fyrirtæki leggur á virðisþættina sem
einkenna viðskiptavettvang þess heldur að
finna nýja þætti sem gjörbreyta honum.
Þessi áhersla á virðismat viðskiptavinar
ins fremur en samkeppnisaðilana og mark
aðssvæðið er grundvallarbreyting á því
hvernig fyrirtæki eru rekin með tilliti til
stefnumótunar.
Hafið, bláa hafið
Örn Arnarson hefur sennilega ekki órað fyr
ir því að þegar hann skrifaði ljóðið Sigling
eða Hafið, bláa hafið að hann væri að skrifa
viðskiptaóð tuttugustu og fyrstu aldarinnar.
Hafið, bláa hafið, hugann dregur.
Hvað er bak við yztu sjónarrönd?
Þangað liggur beinn og breiður vegur.
Bíða mín þar æskudrauma lönd.
Beggja skauta byr
bauðst mér aldrei fyrr.
Bruna þú nú, bátur minn.
Svífðu seglum þöndum,
svífðu burt frá ströndum.
Fyrir stafni haf og himinninn.
Kvæðið er hins vegar ágætt leiðarljós í
þessari umræðu þó að það sé draumkennt.
Ströndin er eins og rauður sjór, eitthvað
sem er tímabært að yfirgefa til að uppfylla
„æskudrauma“ fyrirtækisins. Blár sjór tákn
ar slíka framtíðarsýn. Hvað getur verið ís
lenskara en að leggja á haf út, út á bláan
sjóinn, með áræði og von að vopni? V
Auður og fjölmiðlar
Öðru hvoru berast fréttir af því að á Ítalíu standi mörgum stuggur af einkafjölmiðlum. Ástæðan
er sú að þeir eru flestir í eigu Berlusconis
fyrrum forsætisráðherra sem menn gruna
um að misbeita miðlunum í eigin þágu.
Þessi umræða sýnir hve viðkvæmir menn
eru fyrir fjölmiðlum enda geta þeir verið
mjög áhrifamiklir.
Hér á landi hafa að undanförnu verið
miklar hræringar á fjölmiðlamarkaði. Ný
búið að breyta lögum um Ríkisútvarpið
og væntanlega gera rekstur þess heilbrigð
ari. Flestir íslenskir fjölmiðlar eru komn
ir í meirihlutaeigu stórfyrirtækja.
Fjölmiðlalög
Fyrir rúmlega tveimur árum var allt þjóð
félagið á öðrum endanum vegna þess
að Alþingi samþykkti umdeilt fjölmiðla
frumvarp. Enginn vafi er á því að undir
búa hefði mátt frumvarpið mun betur og
reyna að ná um það víðtækari samstöðu.
Stjórnarandstöðuflokkarnir voru hafð
ir útundan við undirbúning. Þó að efni
frumvarpsins virtist vera nær hefðbundn
um skoðunum vinstri manna en þeirra
sem hafa aðhyllst frelsi skynjaði stjórnar
andstaðan að forsetinn var tilbúinn að
grípa inn í lagasetningarferlið í fyrsta
sinn í sögunni. Hún snerist því öndverð
gegn frumvarpinu.
Margir héldu því fram þá að lögin
myndu aðeins koma við fjölmiðla í eigu
Baugs og væru því sértæk. Reynslan hefur
sýnt að þetta mat var rangt. Nú á Baug
ur meirihluta í Fréttablaðinu, DV, Stöð
2 og Bylgjunni og stærstum hluta af
tímaritum sem gefin eru út hér á landi.
Björgólfur Guðmundsson og skyldir að
ilar eiga meirihluta í Morgunblaðinu og
Exista á Skjá 1 og meirihluta í Viðskipta
blaðinu sem nú er orðið dagblað. Ekkert af
þessu hefði getað orðið ef Ólafur Ragnar,
Ingibjörg Sólrún og Steingrímur J. hefðu
ekki snúið bökum saman gegn frumvarp
inu. Um það má svo deila hvort þetta
hafi verið heppileg þróun.
Hugsið eins og ég vil
Það er alþekkt að erlendis hika menn
ekki við að misbeita fjölmiðlum. Fjöl
miðlakóngurinn Murdoch hefur haft í
hendi sér hvor flokkurinn hefur stjórn
að Bretlandi undanfarna áratugi. Fyrir
kosningarnar 1997 héldu blöð hans uppi
linnulausum fréttum af hneykslum sem
þingmenn Íhaldsflokksins tengdust. Sagt
var að löngu fyrir kosningar hefði verið
búið að kortleggja þessa herferð, þar sem
a.m.k. eitt mál átti að koma upp í viku
hverri. Eflaust hafa þingmenn Íhalds
flokksins verið breyskir en það hefur
ekki komið upp nein svipuð hrina síðar,
hvorki um þá né þingmenn Verkamanna
flokksins. Ástæðan er eflaust ekki bætt
siðferði heldur breyttar áherslur í frétta
flutningi.
Hér á landi er enginn vafi á því að
mjög oft er slagsíða á fréttaflutningi.
Stundum á þetta sér einfaldlega skýring
ar í smæð þjóðfélagsins. Fréttamenn vilja
ekki valda óþarfa sárindum hjá fólki sem
þeir þekkja. En stundum er ljóst að frétt
ir eru bæði sagðar eftir pöntun og stund
um er þagað eftir pöntun.
Ef ritstjórar og blaðamenn eru hins
vegar ráðnir sérstaklega til þess að tryggja
að fjölmiðlar séu ekki hlutlausir, þá er
ástæða til þess að óttast um þjóðfélagið.
Ritstjórar sem gæta þess að sumar fréttir
komi aldrei fram, eða séu færðar í sérstak
an búning, færa okkur nær ítalska þjóðfé
laginu en nokkur vill. V