Vísbending - 16.11.2007, Blaðsíða 2
2 V í s b e n d i n g • 4 4 . t b l . 2 0 0 7
Mynd 1. Sala á iPod 2001-2007
Eins dauði er annars epli
Halldór Benjamín
Þorbergsson
hagfræðingur
Þegar þetta er skrifað eru nákvæm-lega sex ár upp á dag frá því að fyrsti iPodinn kom á markað í
Bandaríkjunum, 23. október 2001. Eftir-
leikinn þekkja allir og tæplega 120 millj-
ónir eintaka af iPod hafa verið seldar und-
anfarin sex ár. Apple hefur grætt á þessari
þróun og ekki sér fyrir endann á hve hátt
gengi hlutabréfa félagsins verður. Þannig
jókst hagnaður þess um ríflega 60% á síð-
asta ársfjórðungi, félagið er á fleygiferð á
NASDAQ-markaðnum og gengi þess er í
sögulegu hámarki.
Napster-kynslóðin hóf hljóðláta bylt-
ingu. Í kringum síðustu aldamót vantaði
lausn til að hlusta á MP3-tónlistarskrár
á handhægan máta án þess að þurfa að
ganga um með fartölvu. Til að koma
byltingunni á næsta þrep þurfti öfluga
geymsluleið og handhægan máta til að
hlusta á stafræna tónlist. Ipodinn var kall
og svar tímans og einfaldaði gríðarlega ferl-
ið í heild sinni. Geisladiskurinn galt fyrir
þessa þróun dýru verði.
Það er alltaf erfitt að spá - sérstaklega
um framtíðina. Þess vegna hefur reynst
vel að rýna í sögulegar tölur og það leynir
sér ekki að sala á geisladiskum er í frjálsu
falli. Það sem af er þessu ári hefur salan
dregist saman um 10% í Bretlandi, um
15% í Bandaríkjunum, 25% í Frakklandi
og um 35% í Kanada. Tónlistarsölurisinn
HMV tilkynnti nýverið um að hagnaður
félagsins hefði dregist saman um helming
á fyrri hluta ársins og Richard Branson
- vinalegi milljarðamæringurinn - hefur
ákveðið að selja Virgin mega búðirnar,
eftir þrálátan taprekstur að undanförnu.
Á sama tíma hafa sölutölur Apple rokið
upp, að því er virðist í öfugu hlutfalli við
sölutap plötuútgefanda. Ipodinn leikur
lykilhlutverk í þessari hljóðlátu byltingu
sem er að æra plötuúgefendur.
Váleg tíðindi berast af fleiri vígstöðv-
um tónlistarútgefanda. Í nýlegri úttekt
breska blaðsins The Times er sýnt fram á
klippt og skorið að við kaupum ekki að-
eins færri geisladiska nú en við gerðum fyr-
ir tveimur áratugum heldur borgum við
einnig minna fyrir þá sem við kaupum en
við gerðum áður. Verðlag á geisladiskum
hefur að meðaltali hækkað
hægar en almennt verðlag.
Auðvitað eru eignarrétt-
arbrot við dreifingu tónlist-
ar ólíðandi og til lengdar
drepur það alla nýsköpun ef
enginn greiðir fyrir afnot af
hugverkum annarra. Bylt-
ingar krefjast hins vegar
alltaf fórnarkostnaðar og
svo virðist sem brot á höf-
undarréttarlögum hafi verið
nauðsynleg til að liðka fyrir
nýjum dreifileiðum tónlistar
og koma þeim að í almanna-
vitund. Slíkt mun hins veg-
ar breytast og tónlistarmenn
eru sjálfir farnir að móta
hegðun hlustenda. Til lengd-
ar borgar alltaf einhver.
Tónlistarmaðurinn Prince dreifði fyrr á
þessu ári 2,5 milljónum eintaka af nýjustu
breiðskífu sinni frítt með bresku sunnu-
dagsblaði. Bara frítt. Skömmu seinna til-
kynnti hann um fjölda tónleika og það
seldist auðvitað upp á þá alla. Tekjumódel-
ið hjá Prince breyttist einfaldlega. Útgáfu-
fyrirtækið var tekið út fyrir sviga og stytt
út á móti nefnara.
Það vakti einnig talsverða athygli þegar
hljómsveitin Radiohead fór áþekka leið.
Hún tilkynnti nýverið að aðdáendur gætu
hlaðið nýrri plötu niður af vefsíðu hljóm-
sveitarinnar. Ekki nóg með það, heldur
réðu menn einnig hversu hátt verð þeir
greiddu fyrir hana - ef þeir vildu greiða
fyrir hana á annað borð. Bleik er brugð-
ið. Fyrir fram hefðu einhverjir spáð því
að þetta væri glapræði hjá hljómsveitinni.
Fáir, ef nokkrir, myndu
láta fé af hendi rakna.
Raunin varð hins vegar
allt önnur. Á fyrsta sólar-
hringnum seldi hljómsveit-
in 1,2 milljónir platna um
vefsíðu sína fyrir rétt um 5
milljónir punda, ef marka
má umfjöllun breskra fjöl-
miðla. Til samanburðar
seldi sama hljómsveit rétt
ríflega 300.000 eintök af
síðustu breiðskífu sinni
fyrsta daginn í Bandaríkj-
unum. Ein vefsíða leysir
útgáfufyrirtækið af hólmi.
Það segir sig auðvit-
að sjálft að ekki eru allar
hljómsveitir í sömu að-
stöðu og Radiohead og
Prince, sem eiga mun
greiðari leið en flestir aðrir inn í iPoda
manna vegna sögu sinnar - sem m.a. var
búin til af tónlistarútgefendum. Hins veg-
ar er ljóst að svartagallsraus þeirra sem
héldu því fram að Netið myndi ganga af
tónlistinni dauðri var ekki á rökum reist.
Þvert á móti geta tónlistarmenn átt von á
auknum tekjum nú þegar fjárfrekur milli-
liðurinn er óþarfur. Markaðurinn leysir
alltaf vandann. Þetta sýnir hins vegar að
það má treysta markaðnum - hann er til-
búinn að greiða fyrir góða tónlist þótt
dreifileiðin hafi breyst, meira að segja þeg-
ar kaupendur eru bólugrafnir unglingar
með takmarkaða markaðsþekkingu sem
halda jafnvel að hin ósýnilega hönd þessa
sama markaðar sé tölvuleikur! V
Eins dauði er annars epli
Eftir Halldór Benjamín Þorbergsson
Þegar þetta er skrifað eru nákvæmlega sex ár upp á dag frá því að fyrsti iPodinn kom á markað í
Bandaríkjunum, 23. október 2001. Eftirleikinn þekkja allir og tæplega 120 milljónir eintaka af iPod
hafa verið seldar undanfarin sex ár. Apple hefur ekki farið varhluta af þessari þróun og ekki sér fyrir
enda n á ve hátt gengi hlutabréfa félagsins ver ur. Þannig jókst hagnaður þess um ríflega 60% á
síðasta ársfjórðungi, félagið er á fleygiferð á NASDAQ-markaðnum og gengi þess er í sögulegu
hámarki.
Naps er-kynslóðin hóf hljóðláta byltingu. Í kringum síðustu aldamót vantaði lausn til að hlusta á
MP3-tónlistarskrár á handhægan máta án þess að þurfa að ganga um með fartölvu. Til að koma
byltingunni á næsta þrep þurfti öfluga geymsluleið og handhægan máta til að hlusta á stafræna
tónlist. Ipodinn var kall og svar tímans og einfaldaði gríðarlega ferlið í heild sinni. Geisladiskurinn
galt fyrir þessa þróun dýru verði.
Það er alltaf erfitt að spá – sérstaklega um framtíðina. Þess vegna hefur reynst vel að rýna í sögulegar
tölur og það leynir sér ekki að sala á geisladiskum er í frjálsu falli. Það sem af er þessu ári hefur salan
dregist saman um 10% í Bretlandi, um 15% í Bandaríkjunum, 25% í Frakklandi og um 35% í Canada.
Tónlistarsölurisinn HMV tilkynnti nýverið um að hagnaður félagsins hefði dregist saman um helming
á fyrri hluta ársins og Richa d Branson – vinal gi milljarðamæringurinn – hefur ákveðið að selja
Virgin mega búðirnar, eftir þrálátan taprekstur að undanförnu. Á sama tíma hafa sölutölur Apple
rokið upp, að því er virðist í öfugu hlutfalli við sölutap plötuútgefanda. Ipodinn leikur lykilhlutverk í
þessari hljóðlátu byltingu sem er að æra plötuúgefendur.
Mynd 1. Sala á iPod, 2001-2007
Váleg tíðindi berast af fleiri vígstöðvum tónlistarútgefanda. Í nýlegri úttekt breska blaðsins The Times
er sýnt fram á klippt og skorið að við kaupum ekki aðeins færri geisladiska nú en við gerðum fyrir
tveimur áratugum heldur borgum við einnig minna fyrir þá sem við kaupum en við gerðum áður.
Verðlag á geisladiskum hefur að meðaltali hækkað hægar en almennt verðlag.
Napster-kyn-
slóðin hóf hljóð-
láta byltingu. Í
kringum síðustu
aldamót vant-
aði lausn til að
hlusta á MP3-
tónlistarskrár
á handhægan
máta án þess að
þurfa að ganga
um með far-
tölvu.