Morgunn - 01.06.1971, Blaðsíða 44

ÆVAR R. KVARAN:
MERKUR MIÐILL
Fyrirlesarinn.
Hann var frægur höfundur kvikmyndahand-
rita i Hollywood og kynntist frú Garrett í
fyrsta sinn 1930, nokkrum dögum áður en hann átti að gang-
ast undir uppskurð; hað átti að taka úr honum ónýtt nýra.
Hann var niðurdreginn af umhugsuninni um, að þessi aðgerð
gæti leitt til langvarandi heilsuleysis eða jafnvel dauða. Hann
Hann ók Jwí í bíl sínum út að Arrowheadvatni með konu sinni
til þess að reyna að forðast, þó ekki væri nema um stundarsakir,
ótta þann og kvíða, sem ásótti hann svo fast. En það reyndist
að leita ullar í geitarhúsi, að ætla sér að finna frið og ró við
Arrowhead. Móttökusalur hótelsins var fullur af fólki, sem beið
þess að hlýða á miðilinn frá Lundúnum. Hinum hugsjúka
manni fannst sem hann hefði lent í gildru. Það var of kalt í
veðri til þess að fara út, og enn of snemmt að fara að hátta. Það
var þvi vart um annað að ræða en að fá sér baksæti í salnum,
svo hann og konan hans þyrftu þó ekki að hlusta á þennan
miðil nema úr hæfilegri fjarlægð. En þegar hljómþýð röddin
með kliðmjúka írska-enska hreimnum barst um allan salinn,
tók rithöfundurinn að hlusta með æ meiri athygli og auknum
áhuga. 1 munni þessarar konu virtust sálvísindi alveg jafn-
raunveruleg og læknavísindi, og honum létti í skapi, þegar
hún henti góðlátlega gys að sjálfri sér með því að segja, að
maðurinn hennar hefði farið frá henni vegna þess að hann
hefði gefizt upp á draugunum hennar. Hún hét Eileen Garrett.
Daginn eftir fór rithöfundurinn á fund hennar og létti á
hjarta sínu, eins og mörgum var tamt i viðurvist hennar; hann
greindi frá ótta sínum og kvíða. Hún róaði hann og fyllti hann