Jazzblaðið - 01.04.1949, Blaðsíða 20

DAVE TOUGH
1907 - 1948
Dave Tough fæddist í Oak Park í fylk-
inu Illinois í Bandaríkjunum 26. apríl
1907. Hann byrjaði að leika á trommur
innan við tvítugt og 1925 lék hann fyrst
með hljómsveit. Hljómsveitin var „The
Austin high gang“, þar sem þeir Bud
Freeman, Jimmy McPartland og fleiri
jazzleikarar sem nú eru frægir orðnir
byrjuðu. Árið 1927 lék Dave hjá Eddie
Condon, og ári síðar fór hann til Evróu
þar sem hann lék í þrjú ár. Er hann
kom aftur tók hann sér hvíld frá músík-
inni til 1936 en þá byrjaði hann hjá
Tommy Dorsey þar sem hann var í tvö
ár. Síðan lék hann hjá Bunny Berigan,
Bsnny Goodman, Joe Marsala, Artie
Shaw, Charlie Spivak og Woody Her-
man unz hann fór í herinn 1942 þar sem
hann lék í hljómsveit í tvö ár. Er hann
kom úr hernum fór hann til Woody Her-
man, en hann var þar aðeins í ár, því að
hann þreyttist á hinum erfiðu hljóm-
sveitarferðalögum og vildi setjast ein-
hvers staðar að. Hann kaus New York
og lék þar mest í litlum hljómsveitum,
t. d. hjá Joe Marsala, Eddie Condon og
fleirum. Síðari helming fyrra árs lék
Dave ekkert sökum heilsubrests, sem
varð honum að falli í desember mán-
uði síðastliðnum.
Með Dave er horfinn af sviðinu einn
af fremstu meisturum jazzins. Sumir
segja hann fremsta trommuleikarann
sem uppi hefur verið. Síðari árin hefur
hann hvað eftir annað verið fremstur í
kosningum þeim, er amerísku músík-
blöðin hafa látið fram fara um titilinn
„Bezti trommuleikari ársins".
Söngkonan VAUt Vitzflcrald,
20 JazzLUií