Jazzblaðið - 01.10.1949, Blaðsíða 14
Eftir
Svavar
Gests
GAMLIR DANSAR
Gömlu dansarnir eru að ryðja sér til
rúms á ný, því verður ekki neitað. Af
28 dansleikjum, sem haldnir voru laug-
ardag og sunnudag, 10’. og 11. sept., og
laugard. og sunnud. 17. og 18. sept., voru
dansaðir gömlu dansarnir á 11 þeirra.
Nýju og gömlu á 5, og á þeim dansleikj-
um er mest um gamla dansa, og þá eru
12 eftir, þar sem nýju dansarnir voru
dansaðir. Unga fólkið, sem áður vildi
ekki sjá gömlu dansana, eru nú orðið
í miklum meiri hluta þar sem þeir eru.
í Góðtemplarahúsinu liggur við orð að
leggja verði niður hinn svokallaða
„peysufatavals", þar sem varla sézt þar
nokkur kvenmaður á peysufötum, aftur
á móti er þar mikið um stúlkur í ný-
móðins kjólum, nylonsokkum og smjatt-
andi tyggigúmmí. Út á þetta er svo sem
ekkert setjandi, fólkið verður að hafa
eitthvað til að skemmta sér við. Fyrir
tveimur árum og þar fyrir þótti enginn
maður með mönnum, sem ekki dansaði
jitterbug, eða myndaðist við að dansa
hann, nú er hlegið að þeim, sem ekki eru
stálslegnir í marzurka.
Hljóðfæraleikararnir taka þessu með
þögn og þolinmæði. Þeir verða að hafa
í sig og á. En sjálfsagt bölva margir
þeirra í hljóði. Ég get ekki gert að því,
að ég brosi ósjálfrátt, þegar ég hugsa
mér Gunnar Ormslev vera að blása polka
á tenórinn sinn. Ég trúi varla öðru en
að hann bæti inn einni og einni sextánda
parts nótu, þar sem honum finnst hún
eiga við. Gömlu dansana verður sem sé
að leika óbreytta af nótnablaðinu. Þar
kemur ekki til greina að ,,impróvisera“,
þó að tilbreytingarleysið ætli stundum
að keyra um þverbak.
Því verður ekki neitað, að hljóðfæra-
leikarar hafa mjög gott af því að leika
gömlu dansana. Þeir þjálfast í nótna-
lestri, og þeir sem ekki leika þá eftir
nótum, þjálfa minnið, og allir geta þeir
aukið við sig tækni á hljóðfæri sín, því
að erfiðara er að leika gömlu dansana
en þá nýju. En allt er bezt í hófi, og
óneitanlega hlýtur sá hljóðfæraleikar-
inn að standa bezt að vígi sem heima er
hvar sem er. Leikur gömlu dansana
jafnhliða þeim nýja og stendur ekki á
gati, ef hann á að leika lag af nótum
og man annað lag, ef hann ekki hefur
nóturnar.
NÝJAR PLÖTUR
Frá því seint á síðasta ári hefur mað-
ur öðru hvoru heyrt sagt í útvarpinu,
eftir að tilkynnt hefur verið að einhver
hljómsveitin léki eða söngvarinn syngi,
að hér væri um nýjar plötur að ræða.
Þetta er eitt það fátæklegasta sölu-
mannsbragð, sem ég hefi heyrt. Útvarp-
ið krækti sér í nokkra tugi platna, sem
voru illa valdar og sem mestu ræður,
þá var hér eiginlega ekkert annað á
ferðinni en gamlar plötur, allar leiknar
inn fyrir stríð. En plöturnar voru nýjar
í safni útvarpsins, það efast enginn um
Margir urðu fegnir, þegar þulurinn gaf
til kynna að í danslögunum mundi þessi
og þessi hljómsveit leika af nýjum plöt-
um. En mesti glansinn fór af þessu, þeg-
14