Jazzblaðið - 01.06.1950, Blaðsíða 12
VERÐLAUNAGREIN — samkeppni.
Eins og lesendur blaðsins hafa eflaust
tekið eftir, þá hætti Hallur Símonar-
son að starfa við Jazzblaðið frá og með
marz-heftinu. Ég mun annast blaðið
einn hér eftir og með góðu samstarfi
við lesendurna vonast ég til, að blaðið
haldi áfram á þeirri braut, sem það þeg-
ar hefur markað sér.
Nefnilega, að flytja fræðandi efni um
jazz og jazzleikara.
Ég minntist á gott samstarf við les-
endur — það hefur vissulega að mörgu
leyti verið gott. Þeir hafa oft og mörg-
um sinnum sent blaðinu bréf og látið í
ljós álit sitt á því, bent á það sem mið-
ur fer og þakkað það, sem gott er, en
þetta er ekki alveg nóg. Blaðið hefur oft
og tíðum óskað eftir því, að lesendur
sendu blaðinu efni — ekki vegna þess að
blaðið sé á hrakhólum með slíkt, nei,
heldur vegna þess, að það veit að lesend-
ur þess geta margir hverjir sett saman
ágætar greinar um eitt eða annað við-
víkjandi jazztónlistinni og vill blaðið
stuðla að því að þær komi fram á
sjónarsviðið.
Feimni, eða eitthvað annað slíkt hef-
ur valdið því, að menn hafa ekki komið
þessu í verk.
Nú ætlar blaðið að ýta undir lesend-
ur sína, með því að veita verðlaun fyrir
greinar sem því berast. Þetta verður
eins konar verðlaunasamkeppni, Reglur
fyrir henni eru þær, að greinin fjalli
um jazz eða jazzleikara. Má hún ekki
vera lengri en því sem svarar þremur
síðum í Jazzblaðinu og ekki styttri en
ein síða. Greinarnar verða að sendast
í lokuðu umslagi á afgreiðslu blaðsins
fyrir 1. september, merkt „Jazzblaðið,
verðl.gr.“. Greinin skal vera skrifuð
undir dulnefni, en henni skal fylgja lok-
að umslag með fullu nafni og heimilis-
fangi höfundar, ásamt dulnefninu. —
Tvö hundruð krónu verðlaun verða veitt
fyrir þá greinina, sem bezt þykir. Eitt
hundrað krónur fyrir þá næstu og
fimmtíu krónur fyrir þriðju greinina.
Auk þess verður höfundum þriggja
fyrstu greinanna veitt frí áskrift að
Jazzblaðinu næstu tvö ár. Blaðið áskilur
sér rétt til að birta greinar þessar án
endurgjalds í blaðinu, og eins, aðrar
greinar, er berast en ekki fá verðlaun,
eftir því sem ákveðið verður. Höfundar-
nafn greinanna verður birt þá um leið.
Þrír menn verða fengnir til að dæma
um greinarnar, og verða nöfn þeirra
birt í blaði því, sem næst kemur út á
undan blaðinu, sem úrslit getraunarinn-
ar verða birt í. Öllum er heimil þátttaka
í verðlaunasamkeppni þessari, lærðum
sem leikum.
GAGNRÝNI — slcoðanakönnun.
Blaðið ætlar að efna til skoðanakönn-
unar meðal lesenda sinna um efnisval
12 JazMaM