Tímarit Tónlistarfélagsins - 01.06.1938, Blaðsíða 11

Tímarit Tónlistarfélagsins
stöðumunur er hér og erlendis, að við þurfum að byggja
upp frá grunni í stað þess að rétta við það sem hrörnað kann
að hafa, en starfsþörfin verður sízt minni þess vegna. Ef
komið er auga á þessa þörf, finnast eflaust einhver ráð, sem
ekki þyrftu að íþyngja tiltakanlega vogarskál viðskipta
okkar við útlönd, ef rétt er að farið.
Verðum við eins fljótir að fylgja þeim lífrænu hreyf-
ingum, sem fram kunna að koma, eins og við vorum fljótir
að meðtaka vélrænu hreyfingarnar, sem komið hafa? Þeirri
spurningu verður svarað á næstu árum, en ef svarið á að
verða jákvætt, þá er mikið starf framundan.
Listrsenn landshluti
Samkvæmt því, er segir í neðanmálsgrein er nýlega birtist
í danska blaðinu „Politiken“, þá er tónlist almennt og kapp-
samlega iðkuð á Fjóni. Fleiri listir eru Fjónbúum einnig
tamar og má þar meðal annars nefna málaralistina, en
hópur málara, sem kallaður hefir verið „Fjónbúarnir“ létu
á tímabili mikið til sín taka á sínu sviði. Þeir af yngstu
fiðluleikurum Dana, sem mesta eftirtekt vekja nú, eru frá
Fjóni og nefna má í þessu sambandi tónskáldið Carl Niel-
sen, sem upprunninn var frá þessari listrænu eyju. Tón-
listarlífið er tiltölulega daufara í Odense, en annarsstaðar
á eyjunni. Þó starfa þar tveir tónlistarskólar og hefir annar
um 100 nemendur, góöar hljómsveitir, kórar o. fl. En aðsókn
almennings dregst nú meir að öðrum skemmtunum, eins og
oftast vill verða í stærri bæjum og borgum.
Greinarhöfundur segir frá ýmsu, er snertir þennan mikla
og almenna tónlistaráhuga. Það er algengt alstaðar að
fjórða mann vanti til að spila bridge, en á Fjóni vantar aldr-
ei fjórða mann til aö spila kvartett. Víða eru hljómsveitir,
tónlistafélög, söngfélög o. s. frv. og eru hér nær eingöngu
áhugamenn að starfi. „Fjón er eins og ein stór hljómkviða
— og það klassisk hljómkviða. Þessi eldheiti áhugi snýst ekki
43