Organistablaðið - 01.10.1982, Blaðsíða 20

Axel Amfjörð
píanisti og
organisti
Mörg eru ævintýrin um umkomulitinn dreng, sem snauður að veraldar auði ýtti úr
vör til erlendra stranda, til þess að þroska meöfædda hæfileika, sjálfum sér til stað-
festingar og uppfyllingar. Þrátt fyrir þungan róður og oft örvæntingarfulla baráttu,
þar sem í nauðum er jafnvel teflt á tæpasta vað, tekst sókn að settu marki. Loka-
stigi menntunar er náð, og ættjörðin skal njóta mikilhæfrar kunnáttu. En ekki fer allt
sem ætlað er. Menntunarsnautt föðurland daufheyrist við kalli góðs sonar og ævi-
starf er unnið erlendis þeim, er siður þarfnast þess.
Einn þesara ævintýra drengja var Axel Arnfjörð, sem fannst látinn í einveru-íbúð
sinni I Holte, Kaupmannahöfn, 26. febr. Andlátsdagur kann því að hafa verið 25.
febr., því að það segir fátt af einum.
Axel var fæddur í Bolungarvfk 1910. Snemma kom í Ijós næm tónvísi hans, sem
Jónas Tómasson á Isafirði og Anna kona hans, beindu með kennslu sinni inn á
réttar brautir. Þannig varð Axel kornungur fær um að taka að sér organleik og kór-
stjórn við kirkju Bolungarvíkur. Eftir stutta námsdvöl í Reykjavik heldur hann 1930 til
Kaupmannahafnar og innritast við konservatóriuna þar. Kennari hans í píanóleik er
fyrsti píanisti Islands, Haraldur Sigurðsson. Jafnhliða stundar hann þar einnig orgel-
nám. Burtfararprófi lýkur hann i báðum greinum árið 1935.
Þessi tiltölulega stutti námstími sýnir afburða gáfur Axels, ástundunarsemi hans
og ábyrgðartilfinningu, undraverðan árangur, þrátt fyrir harðla nauma forskólakunn-
áttu. En ganga verður sem lagið er. Fordæmi Haralds Sigurðssonar var honum si-
felld hvatning, enda bar hann mikla virðingu fyrir lærimeistara sínum, þessum gagn-
fágaða og hámenntaða Nestor islenskra píanóleikara.
En fleiri greiddu götu hans. Ber þar fyrst að nefna þau öndvegishjón, Steinunni
og Þórð Jónsson í Nordre Frihavnsgade 31, sem gerðu Axel að kjörsyni sinum, eftir
að hann veglaus og févana hafði gert tilraun til þess að innsigla með eigin hendi sitt
æviskeið. Þannig verður líknarverk þessara göfugu hjóna aldrei fullgoldið. A heimili
20 ORCiATsIISTAIíLAÐIÐ