Organistablaðið - 01.11.1983, Blaðsíða 12

Nýr organisti í Fríkirkj-
unni í Reykjavík
Á sunnudaginn 18. sept. tók til starfa nýr
organisti viö Fríkirkjuna í Reykjavík.
Nýi Fríkirkjuorganistinn heitir Pavel Smíd og
er tékkneskur aö ætt og uppruna. Aö loknu
stúdentsprófi í heimalandi sínu hóf hann nám í
organslætti viö tónlistarskólann í Prag hjá hinum
góökunna prófessor dr. J. Reinberger og lauk
fullnaðarprófi í orgelleik árið 1973.
Pavel Smíd fluttist til íslands áriö 1975 og
gerðist kirkjuorganisti á Eskifiröi og Reyðarfiröi
og skólastjóri Tónlistarskólans þar. Frá 1982
hefur hann kennt organslátt ( Tónskóla Þjóð-
kirkjunnar og tónheyrn og nótnalestur við Söng-
skólann i Reykjavík, þar sem hann hefur
jafnframt starfaö sem meðleikari á píanó.
Eiginkona hans heitir Víoletta Smídova og er
búlgörsk. Þau eiga tvö börn. Víoletta er einnig
organisti aö mennt og hefur verið mjög virk í
tónleikahaldi.
Pavel tók við af Sigurði G. Isólfssyni, sem
hefur gegnt starfinu frá 1939, eða samtals i 44
ár, kona hans er Rósamunda Ingimarsdóttir.
Sigurður varð 75 ára 10. 7. s.l. og er honum
hér með óskað til hamingju með afmælið.
Einnig þakkar undirritaður honum fyrir ótaldar
ánægjustundir, þegar hann hefur setið við
orgelið. Fáir íslenskir organleikarar hafa glatt
okkur með jafn litríkum modulationum og hann.
Þær hefði gjarnan mátt festa á blað.
Kristján Sigtryggsson.
Námskeið í
orgelverkum Brahms
David Pizzaro, verður kennari á orgelnám-
skeiði F.Í.O. sem verður haldið í kirkju Fila-
delfiusafnaðarins, Hátúni 2, R. laugardaginn 29.
okt. 1983 kl. 10. f.h.
Kvöldið áður heldur hann orgeltónleika á
sama stað með oregelverkum Brahms.
David Pizarro er organisti i kirkju St. John the
Divine í New York. Meðal kennara hans í
Evrópu voru M. Dupré og M. Schneider. Pizarro
fer árlega i nokkurra mánaða tónleikaferðir víðs
vegar um heim.
Hann hefur nýlokið útgáfu á öllum orgel-
verkum J.L. Krebs. (tilefni þessað 150 árerufrá
fæðingu J. Brahms verða orgelverk hans verk-
efni námskeiðsins.
Megnið af þeim fá þátttakendur (55 bls.
innifalið í 350 kr. námskeiðsgjaldi) með fingra-
og fótsetningu D. Pizarro.
Þeir sem vilja kynna sér efnið fyrirfram geta
fengið það afhent á aðalfundi F.I.O.
Þeir sem þess óska geta fengið að spila
(Brahms) fyrir D.P.
(Úr bréfi til félaga F. I. O. í október)
Orgeltónleikar
Júrg Brunner frá St. Gallen í Sviss, hélt
tónleika í Skálholts- og Háteigskirkju 23. og 24.
júli. Á efnisskrá voru orgelverk eftir Bruhns,
Frcberger, Muffat, Bach, Clérambault og Alain.
einnig leikur af fingrum fram um íslenskt
sálmalag.
Kennarar hans voru m.a.: Anton Heiller, Marie
Claire Alain og Fernandi Tagliavini í orgelleik og
Gustav Leonhardt í semballeik.
Chrisoph Krummacher, frá Austur-Þýskalandi
hélt tónleika f Kristskirkju, Dómkirkjunni og
Háteigskirkju 25., 27. og 28. ágúst með mismun-
andi efnisskrám. Hann lék verk eftir: Tunder,
Buxtehude, Boyvin, Frescobaldi, Bramhs, Bo-
ely, Hanff, Joh.Seb. Bach, Messiaen, Mendel-
sohn, Scheidemann, Pachelbel og Kellner.
Hann hélt námskeið í Háteigskirkju um norð-
ur-þýska orgeltónlist, m.a. um túlkun á verkum
Bachs.
12 ORGANISTABLAÐIÐ